ഒമാനില്‍ ദാഖിലിയ ഗവര്‍ണറേറ്റിലെ ഭക്ഷ്യ ഗോഡൗണിന് തീപിടിച്ചു. നിസ്‌വ വിലായത്തിലെ ഇന്‍ഡസ്ട്രിയല്‍ ഏരിയയില്‍ തിങ്കളാഴ്ച രാത്രിയിലായിരുന്നു അപകടമെന്ന് സിവില്‍ ഡിഫന്‍സ് ആന്‍ഡ് ആംബുലന്‍സ് വിഭാഗം അറിയിച്ചു.ആര്‍ക്കും പരിക്കില്ല.
അഗ്നിശമന സേനയെത്തി തീ നിയന്ത്രണ വിധേയമാക്കി. ഗോഡൗണില്‍ സൂക്ഷിച്ചിരുന്ന നിരവധി ഭക്ഷ്യസാധനങ്ങള്‍ കത്തിനശിച്ചു.
അതേസമയം അന്താരാഷ്ട്ര കുറ്റാന്വേഷണ സംഘടനയായ ഇന്റര്‍പോള്‍ തേടുന്ന മൂന്ന് പ്രതികളെ ഒമാനില്‍നിന്ന് പിടികൂടി. വേറൊരു ജി.സി.സി രാജ്യത്തുനിന്ന് സാമ്ബത്തിക കുറ്റകൃത്യത്തിന് പ്രതിചേര്‍ക്കപ്പെട്ട ഏഷ്യന്‍ രാജ്യക്കാരായ മൂന്നുപേരെയാണ് റോയല്‍ ഒമാന്‍ പൊലീസ് പിടികൂടിയത്. ഒരു കമ്ബനിയില്‍നിന്നും വലിയ തുക അപഹരിച്ച സംഘം രാജ്യം വിടുകയായിരുന്നു. ആര്‍.ഒ.പി ഡയറക്ടര്‍ ജനറല്‍ ഓഫ് ക്രിമിനല്‍ എന്‍ക്വയറീസ് ആന്‍ഡ് ഇന്‍വെസ്റ്റിഗേഷനും ഇന്റര്‍നാഷനല്‍ ക്രിമിനല്‍ പൊലീസ് ഓര്‍ഗനൈസേഷനും (ഇന്റര്‍പോള്‍) സഹകരിച്ച്‌ നടത്തിയ അന്വേഷണത്തിലാണ് പ്രതികള്‍ വലയിലാകുന്നത്.
