കുവൈത്ത് സിറ്റി: തൃശൂര് അസോസിയേഷൻ ഓഫ് കുവൈത്ത് അംഗങ്ങള്ക്കായി സംഘടിപ്പിച്ച ഫുട്ബാള് ടൂര്ണമെന്റില് ജഹ്റ ഏരിയ ജേതാക്കളായി.
ഫഹാഹീല് ഏരിയ റണ്ണറപ്പായി. സുറ പബ്ലിക് അതോറിറ്റി ഫോര് യൂത്ത് ആൻഡ് സ്പോര്ട്സ് സ്റ്റേഡിയത്തില് നടന്ന മത്സരങ്ങളില് വിവിധ ഏരിയകളെ പ്രതിനിധീകരിച്ച് ഒമ്ബതു ടീമുകള് പങ്കെടുത്തു. ട്രാസ്ക് പ്രസിഡന്റ് ആന്റോ പാണേങ്ങാടൻ ഉദ്ഘാടനം ചെയ്തു. ജഹ്റ ടീമിലെ സുബിനെ പ്ലേയര് ഓഫ് ദി ടൂര്ണമെന്റായും ബെസ്റ്റ് ഡിഫെന്ററായും തെരഞ്ഞെടുത്തു, ബെസ്റ്റ് ഗോള് കീപ്പറായി നിഖിലിനെയും ഫൈനല് മാൻ ഓഫ് ദി മാച്ചായി നിതിനേയും തെരഞ്ഞെടുത്തു. ടോപ് സ്കോര് ഓഫ് ദി ടൂര്ണമെന്റ് പട്ടം ജഹ്റ ഏരിയയുടെ സുബിനും, നിതിനും, ശരത്തും പങ്കിട്ടു.
വിജയികള്ക്കുള്ള ട്രോഫികള് ട്രാസ്ക് പ്രസിഡന്റ് ആന്റോ പാണേങ്ങാടൻ, ട്രഷറര് ജാക്സണ് ജോസ്, സ്പോര്ട്സ് കണ്വീനര് നിതിൻ ഫ്രാൻസിസ്, ആര്ട്സ് കണ്വീനര് വിനോദ് ആറാട്ടുപുഴ, സോഷ്യല് വെല്ഫെയര് കണ്വീനര് ജയേഷ് എങ്ങണ്ടിയൂര്, മീഡിയ കണ്വീനര് വിനീത് വില്സണ് എന്നിവര് സമ്മാനിച്ചു. ടൂര്ണമെന്റിന് സ്പോര്ട്സ് കണ്വീനര് നിതിൻ ഫ്രാൻസിസ് സ്വാഗതവും, ട്രഷറര് ജാക്സണ് ജോസ് നന്ദിയും പറഞ്ഞു.