റിയാദ് | സഊദി അറേബ്യയില്‍ വാഹനാപകടത്തില്‍ മലയാളി കുടുംബത്തിലെ അഞ്ച് പേര്‍ മരിച്ചു. കോഴിക്കോട് ബേപ്പൂര്‍ പാണ്ടികശാലകണ്ടി മുഹമ്മദ്‌ ജാബിര്‍ (48), ഭാര്യ ഷബ്‌ന (36), മക്കളായ സൈബ ( ഏഴ്), സഹ (അഞ്ച്), ലുത്ഫി എന്നിവരാണ് മരിച്ചത്.
കിഴക്കന്‍ പ്രവിശ്യയിലെ ജുബൈലില്‍ സ്വകാര്യ കമ്ബനിയിലെ ജീവനക്കാരനായ ജാബിര്‍ കമ്ബനിയുടെ ജിസാന്‍ ശാഖയിലേക്ക് സ്ഥലം മാറ്റം ലഭിച്ചിരുന്നു. പുതിയ ബ്രാഞ്ചില്‍ ചേരുന്നതിനുള്ള യാത്രക്കിടെ ബിശക്കടുത്ത അല്‍ റെയ്‌നില്‍ വെച്ച്‌ ശനിയാഴ്ച പുലര്‍ച്ചെ ഇവര്‍ സഞ്ചരിച്ച കാറിന് പിറകില്‍ സ്വദേശി പൗരന്റെ കാറിടിച്ചാണ് അപകടം. അഞ്ച് പേരും സംഭവസ്ഥലത്ത് വെച്ചു മരിച്ചു.
