കുവൈത്തില് വിവിധ പ്രദേശങ്ങളില് നടത്തിയ പരിശോധനയില് ആറു പ്രവാസികള് പിടിയിലായി. വിവിധ മയക്കുമരുന്നുകള്, മദ്യം എന്നിവ ഇവരില്നിന്ന് പിടിച്ചെടുത്തു.
പിടിയിലായവരില് വിവിധ രാജ്യക്കാരുണ്ട്. ആവശ്യമായ നടപടി സ്വീകരിക്കുന്നതിനായി പ്രതികളെയും പിടിച്ചെടുത്ത വസ്തുക്കളും ബന്ധപ്പെട്ട അധികാരികള്ക്കു കൈമാറി.
അതേസമയം പെരുന്നാള് ആഘോഷങ്ങള്ക്കിടെ കുവൈത്തിലേക്ക് ഹഷീഷ് കടത്താന് ശ്രമിച്ച ഇന്ത്യക്കാരന് വിമാനത്താവളത്തില് പിടിയിലായി. ടെര്മിനല് അഞ്ചില് കസ്റ്റംസ് ഉദ്യോഗസ്ഥരാണ് ഇയാളെ പിടികൂടിയത്. ഇയാളില്നിന്ന് ഒമ്ബത് പാക്കറ്റുകളിലായി സൂക്ഷിച്ച ഹഷീഷ് കണ്ടെടുത്തു.
ഇന്ത്യയില്നിന്ന് കുവൈത്തിലേക്ക് മയക്കുമരുന്ന് കടത്താനായിരുന്നു ശ്രമം. മയക്കുമരുന്ന് പിടികൂടിയ ഉദ്യോഗസ്ഥരെ കസ്റ്റംസ് ഡയറക്ടര് ജനറല് സുലൈമാന് അല് ഫഹദ് അഭിനന്ദിച്ചു.