കുവൈത്തില്‍ നിയമം പാലിക്കാത്ത മോട്ടോര്‍ ബൈക്കുകള്‍ കണ്ടെത്തുന്നതിനായി ജനറല്‍ ട്രാഫിക് ഡിപ്പാര്‍ട്മെന്റ് പരിശോധന തുടരുന്നു.
നിര്‍ദിഷ്ട പാതകളും പെര്‍മിറ്റ് വ്യവസ്ഥകളും പാലിക്കാത്തത്, കാലഹരണപ്പെട്ട ഇന്‍ഷുറന്‍സ്, ലൈസന്‍സ് കൈവശം ഇല്ലാത്തത്, ഹെല്‍മറ്റ് ധരിക്കാത്തത് എന്നിങ്ങനെ വ്യത്യസ്ത ട്രാഫിക് ലംഘനങ്ങളില്‍ കഴിഞ്ഞ ദിവസം 422 കേസ് രജിസ്റ്റര്‍ ചെയ്തു.
208 മോട്ടോര്‍ ബൈക്കുകള്‍ പിടിച്ചെടുത്ത് ട്രാഫിക് റിസര്‍വേഷന്‍ ഗാരേജിലേക്കു മാറ്റി. ഞായറാഴ്ച 302 കേസ് റിപ്പോര്‍ട്ട് ചെയ്തു. നിരവധി വാഹനങ്ങള്‍ പിടിച്ചെടുത്തിരുന്നു. പരിശോധന തുടരുമെന്ന് ജനറല്‍ ട്രാഫിക് ഡിപ്പാര്‍ട്മെന്റ് അറിയിച്ചു.
