മസ്കത്ത്: രാജ്യത്തേക്ക് മയക്കുമരുന്ന് കടത്തിയ രണ്ട് വിദേശികളെ റോയല്‍ ഒമാന്‍ പൊലീസ് പിടികൂടി. ജനറല്‍ അഡ്മിനിസ്‌ട്രേഷന്‍ ഫോര്‍ നാര്‍ക്കോട്ടിക് ഡ്രഗ്സ് ആന്‍ഡ് സൈക്കോട്രോപിക് സബ്സ്റ്റന്‍സ് കണ്‍ട്രോള്‍ വിഭാഗം ദോഫാര്‍ ഗവര്‍ണറേറ്റില്‍നിന്നാണ് പ്രതികളെ പിടികൂടുന്നത്.
20 പാക്കറ്റിലധികം മരിജുവാന ക്രിസ്റ്റല്‍ അനസ്തെറ്റിക്സ് ഉള്‍പ്പെടെയുള്ള മയക്ക് മരുന്നുകള്‍ ഇവരില്‍നിന്ന് കണ്ടെടുത്തു. കടല്‍ മാര്‍ഗം കടത്താന്‍ ശ്രമിക്കുന്നതിനിടെ ഏഷ്യന്‍ പൗരന്മാരാണ് പിടിയിലായത്. ഇവര്‍ക്കെതിരെയുള്ള നിയമ നടപടികള്‍ പൂര്‍ത്തീകരിച്ച്‌ വരുകയാണെന്ന് അധികൃതര്‍ അറിയിച്ചു.
