കുവൈത്ത് സിറ്റി: ബലിപെരുന്നാളിനോടനുബന്ധിച്ച് യൂത്ത് ഇന്ത്യ കുവൈത്ത് മലയാളികള്ക്കായി ഇശല് വിരുന്നൊരുക്കി. ഖൈത്താൻ കമ്യൂണിറ്റി സ്കൂളില് സംഘടിപ്പിച്ച ‘ഈദ് നൈറ്റ് -2023’ല് പ്രശസ്ത ഗായകരായ അക്ബര് ഖാൻ, ജാസിം ജമാല് കുവൈത്തില്നിന്നുള്ള അംബിക രാജേഷ് തുടങ്ങിയവര് ഗാനങ്ങള് ആലപിച്ചു.
കുട്ടികളുടെ വെല്ക്കം ഡാൻസ്, ഇളയത് ഇടവ നേതൃത്വം നല്കി യൂത്ത് ഫര്വാനിയ ടീം അവതരിപ്പിച്ച ഗാനചിത്രീകരണം എന്നിവ മികച്ച ദൃശ്യവിരുന്നായും സദസ്സിന് മുന്നിലെത്തി. പരിപാടി കെ.ഐ.ജി പ്രസിഡന്റ് പി.ടി. ശരീഫ് ഉദ്ഘാടനം ചെയ്തു. മഹ്നാസ് മുസ്തഫ അധ്യക്ഷത വഹിച്ചു. റമദാനില് നടത്തിയ ഖുര്ആൻ പരീക്ഷ വിജയികള്ക്കുള്ള സമ്മാനദാനവും യൂത്ത് ഇന്ത്യ പാഠ്യപദ്ധതിയായ ‘മിശ്കാത്ത്’ പരീക്ഷ വിജയികള്ക്കുള്ള സമ്മാനദാനവും നിര്വഹിച്ചു. അൻവര് സാദത്ത്, മുഹമ്മദ് സല്മാൻ, അബ്ദുല് ബാസിത്ത്, നിയാസ് എന്നിവര് സമ്മാനങ്ങള് വിതരണം ചെയ്തു.
മാംഗോ ഹൈപര് മാര്ക്കറ്റ് ഡയറക്ടര് ഫൈസല് ഇടപ്പള്ളി, സിറ്റി ക്ലിനിക് സി.ഇ.ഒ ആനി വത്സൻ, ബി.ഇ.സി എക്സ്ചേഞ്ച് ഹെഡ് ഓഫ് റീട്ടെയില് സെയില്സ് രാംദാസ് നായര്, കാലിക്കറ്റ് ലൈവ് റസ്റ്റാറന്റ് മാനേജര് സച്ചിൻ മുരളി, മലബാര് ഗോള്ഡ് റീജനല് ഹെഡ് അഫ്സല് ഖാൻ, ഗള്ഫ് ലാൻഡ് മാനേജിങ് പാര്ട്ണര് അബ്ദുല് റഊഫ്, പ്രിൻസസ് ട്രാവല്സ് ഉടമ അനസ്, നെല്ലണ് ഡിവിഷൻ മാനേജര് ഷഫീഖ്, സബ്സ ഹൈപര് തുടങ്ങിയവര്ക്ക് യൂത്ത് ഇന്ത്യയുടെ ഉപഹാരം വിതരണം ചെയ്തു. പരിപാടികള്ക്ക് യൂത്ത് ഇന്ത്യ കുവൈത്ത് ജനറല് സെക്രട്ടറി സിജില് ഖാൻ, ഹശീബ്, ഉസാമ, ജവാദ്, സലീം, ജാവാദ് അമീര്, ബാസില്, സിറാജ്, സല്മാൻ തുടങ്ങിയവര് നേതൃത്വം നല്കി.