കുവൈത്ത് മൊബൈല് ഐഡി ആപ്പിലെ ഡ്രൈവിങ് ലൈസൻസും വാഹനരജിസ്ട്രേഷനും എല്ലാ സര്ക്കാര്, സര്ക്കാറിതര ഇടപാടുകളിലും സാധുവായ ഔദ്യോഗിക രേഖയായി സ്വീകരിക്കും.
ഇതുസംബന്ധിച്ച് ഒന്നാം ഉപപ്രധാനമന്ത്രിയും ആഭ്യന്തരമന്ത്രിയുമായ ശൈഖ് തലാല് അല് ഖാലിദ് അസ്സബാഹ് മന്ത്രിതല തീരുമാനം പുറപ്പെടുവിച്ചു.
ഡ്രൈവിങ് ലൈസൻസും കുവൈത്ത് മൊബൈല് ഐഡി ആപ് വഴി വാഹനം പ്രവര്ത്തിപ്പിക്കാനുള്ള പെര്മിറ്റും രാജ്യത്തെ എല്ലാ അധികാരികളും അംഗീകരിക്കണമെന്ന് തീരുമാനം വ്യവസ്ഥചെയ്യുന്നു. എല്ലാ സര്ക്കാര്, സര്ക്കാറിതര ഇടപാടുകളിലും അവ സ്വീകരിക്കുകയും രേഖയായി കണക്കാക്കുകയും വേണം.