കുവൈത്ത് സിറ്റി: കഴിഞ്ഞ ദിവസം രാവിലെ (വെള്ളിയാഴ്ച) സൗത്ത് അബ്ദുല്ല അല് മുബാറക്കിലെ ഒരു കണ്സ്ട്രക്ഷൻ സൈറ്റില് (നിര്മ്മാണ സ്ഥലത്ത്) നിന്ന് ഒരു തൊഴിലാളി മരിച്ചതായി അല് ജരിദ റിപ്പോര്ട്ട് ചെയ്തു.
സംഭവത്തെക്കുറിച്ചുള്ള റിപ്പോര്ട്ട് സെൻട്രല് ഓപ്പറേഷൻസ് ഡിപ്പാര്ട്ട്മെന്റിന് ലഭിച്ചതായും ഉടൻ തന്നെ രക്ഷാപ്രവര്ത്തകര്ക്ക് സംഭവസ്ഥലത്തേക്ക് നിര്ദ്ദേശം നല്കിയതായും ജനറല് ഫയര്ഫോഴ്സിന്റെ പബ്ലിക് റിലേഷൻസ് ആൻഡ് മീഡിയ വിഭാഗം അറിയിച്ചു. ഇസ്തിഖ്ലാല് ഫയര് സ്റ്റേഷനിലെയും സെര്ച്ച് ആൻഡ് റെസ്ക്യൂ സെന്ററിലെയും അഗ്നിശമന സേനാംഗങ്ങള് സംഭവസ്ഥലത്ത് എത്തിയപ്പോള് തൊഴിലാളി ലിഫ്റ്റ് ഷാഫ്റ്റില് വീണതായി കണ്ടെത്തി. നിലവില്, തൊഴിലാളി സംഭവസ്ഥലത്ത് തന്നെ മരിച്ചതായി സ്ഥിരീകരിച്ചതിനെത്തുടര്ന്ന് അധികാരികള് അപകടത്തെക്കുറിച്ച് അന്വേഷിച്ചുവരികയാണ്.