കുവൈത്ത് സിറ്റി: കെഫാക് സോക്കര്‍ ലീഗിലെ ഗ്രൂപ് എ മത്സരങ്ങളില്‍ മാക് കുവൈത്ത്, സ്പാര്‍ക്സ് എഫ്.സി ടീമുകള്‍ക്ക് ജയം.
ഇന്നോവേറ്റിവ് എഫ്.സി -ബ്ലാസ്റ്റേഴ്സ് എഫ്.സി, സെഗുറോ കേരള ചലഞ്ചേഴ്‌സ് -ചാമ്ബ്യൻസ് എഫ്.സി മത്സരങ്ങള്‍ സമനിലയിലായി.
നിലവിലെ ചാമ്ബ്യന്മാരായ ഇന്നോവേറ്റിവ് എഫ്.സിയും ബ്ലാസ്റ്റേഴ്സ് എഫ്.സിയും രണ്ട് ഗോളുകള്‍ വീതം നേടിയാണ് സമനിലയില്‍ പിരിഞ്ഞത്. ഇന്നോവേറ്റിവ് എഫ്.സിക്കുവേണ്ടി നിതിനും ഹരിയും ഗോളുകള്‍ നേടി. ബ്ലാസ്റ്റേഴ്സിന്റെ ഷമീറും നിതിനുമാണ് സ്കോറര്‍മാര്‍. സെഗുറോ കേരള ചലഞ്ചേഴ്‌സ്, ചാമ്ബ്യൻസ് എഫ്.സി ടീമുകള്‍ ഓരോ ഗോളടിച്ചാണ് സമനിലയില്‍ പിരിഞ്ഞത്. ചാമ്ബ്യൻസ് എഫ്.സിക്കുവേണ്ടി കിഷോറും ചലഞ്ചേഴ്‌സിനുവേണ്ടി സുധീഷും ഗോളുകള്‍ നേടി.
മാക് കുവൈത്ത് എഫ്.സി ഒന്നിനെതിരെ മൂന്നു ഗോളുകള്‍ക്ക് മെറിറ്റ് അല്‍ശബാബ്‌ എഫ്.സിയെ പരാജയപ്പെടുത്തി. മാക് കുവൈത്തിന് വേണ്ടി സാലിഹ് രണ്ടും മുബശ്ശിര്‍ ഒരു ഗോളും, ശബാബിനുവേണ്ടി ജിനീഷ് ഒരു ഗോളും നേടി. സ്പാപര്‍ക്സ് എഫ്.സി ഒന്നിനെതിരെ രണ്ട് ഗോളുകള്‍ക്കാണ് സി.എഫ് സാല്‍മിയയെ പരാജയപ്പെടുത്തിയത്. സ്പാര്‍ക്സ് എഫ്.സിക്കുവേണ്ടി ഗോകുലും ജസീലുദ്ദീനും ഗോളുകള്‍ നേടി. സി.എഫ്.സി സാല്‍മിയക്ക് വേണ്ടി ഹസൻ ഒരു ഗോള്‍ നേടി.
മത്സരങ്ങള്‍ വീക്ഷിക്കാൻ മുഖ്യാതിഥിയായെത്തിയ സന്തോഷ് ട്രോഫി, ഐ ലീഗ് മുൻതാരം പ്രവീണ്‍ കുമാര്‍ കളിക്കാരെ പരിചയപ്പെട്ടു. പ്രസിഡന്റ് മൻസൂര്‍ കുന്നത്തേരി, സെക്രട്ടറി ജോസ് കാര്‍മെൻറ്, വൈസ് പ്രസിഡന്റ് ബിജു ജോണി, അഡ്വൈസര്‍ ടി.വി. സിദ്ദീഖ്, കെഫാക് ഭാരവാഹികള്‍ എന്നിവര്‍ പങ്കെടുത്തു.
