വടക്കന് ലണ്ടനില് യുവാവ് ലൈംഗിക പീഡനത്തിന് ഇരയായി. പ്രതിയെന്നു സംശയിക്കുന്നയാളുടെ ചിത്രം പോലീസ് പുറത്തുവിട്ടു.
സെപ്റ്റംബര് 6 ന് ആയിരുന്നു സംഭവം . സുഹൃത്തുക്കളുമൊത്തുള്ള നൈറ്റ് ഔട്ട് കഴിഞ്ഞ് യുവാവ് തിരികെ മടങ്ങവെ എഡ്ജ്വെയര് ട്യുബ് സ്റ്റേഷന് പുറത്ത് വച്ചായിരുന്നു ആക്രമണം. സ്റ്റേഷനടുത്തുള്ള ഒരു കാര് പാര്ക്കില് വെച്ചായിരുന്നു ബലാത്സംഗം ചെയ്തത്. ഇര ഉടന് തന്നെ പോലീസില് റിപ്പോര്ട്ട് ചെയ്യുകയായിരുന്നു.
അന്വേഷണം തുടരുന്നതിനിടെ പ്രത്യേകം പരിശീലനം സിദ്ധിച്ച ഉദ്യോഗസ്ഥര് ഇരയ്ക്ക് ആവശ്യമായ കൗണ്സിലിംഗ് നല്കുന്നുണ്ടെന്നും പോലീസ് അറിയിച്ചു. അന്വേഷണത്തിന്റെ ഭാഗമായിട്ടായിരുന്നു പോലീസ് ഇന്നലെ പ്രതിയെന്ന് സംശയിക്കുന്ന വ്യക്തിയുടെ ചിത്രം പുറത്തുവിട്ടത്. ഇരുണ്ട മുടിയും മീശയുമുള്ള അയാള് ഒരു ചിത്രത്തില് വെളുത്ത പോളോ ഷര്ട്ടാണ് ധരിച്ചിരിക്കുന്നത്. മറ്റൊരു ചിത്രത്തില് ഇരുണ്ട ജാക്കറ്റും മറ്റൊന്നില് കറുപ്പ്നിറമുള്ള ബാക്ക്പാക്കും നീല ജീന്സും ധരിച്ചിട്ടുമുണ്ട്.