കുവൈത്ത് സിറ്റി: സ്വകാര്യ മെഡിക്കല് ക്ലിനിക്കുകളിലെ പരിശോധന ശക്തമാക്കി ആരോഗ്യ മന്ത്രാലയം. കഴിഞ്ഞ ദിവസം രാജ്യത്ത് നടത്തിയ പരിശോധനയില് ആരോഗ്യ നിയമങ്ങള് ലംഘിച്ച നാല് ബ്യൂട്ടി ക്ലിനിക്കുകള് അടച്ചുപൂട്ടി.
വിവിധ മന്ത്രാലയങ്ങള് സംയുക്തമായി നടത്തിയ പരിശോധനയിലാണ് നിയമ ലംഘനം കണ്ടെത്തിയത്.
ആരോഗ്യ മന്ത്രി ഡോ.അഹമ്മദ് അല് അവാദിയുടെ പ്രത്യേക നിര്ദേശ പ്രകാരമാണ് പരിശോധന സംഘടിപ്പിച്ചത്. തുടര് നടപടികള്ക്കായി പിടികൂടിയവരെ ബന്ധപ്പെട്ട അധികാരികള്ക്ക് കൈമാറി. രാജ്യത്തെ ആരോഗ്യ മാനദണ്ഡങ്ങള് പാലിക്കേണ്ടത് പരമപ്രധാനമാണെന്നും നിയമങ്ങള് ലംഘിക്കുന്നവര്ക്കെതിരെ ശക്തമായ നടപടികള് സ്വീകരിക്കുമെന്നും ആരോഗ്യ മന്ത്രാലയം മുന്നറിയിപ്പ് നല്കി. വരും ദിവസങ്ങളിലും വിവിധ ഗവര്ണറേറ്റിലെ ആരോഗ്യ കേന്ദ്രങ്ങളില് പരിശോധന തുടരുമെന്ന് അധികൃതര് അറിയിച്ചു.