കുവൈത്ത്സിറ്റി: യൂത്ത് ഇന്ത്യ കുവൈത്ത് ലീഡേഴ്‌സ് മീറ്റ് ഫഹാഹീല്‍ യൂനിറ്റി സെന്‍ററില്‍ നടന്നു. കെ.ഐ.ജി പ്രസിഡന്‍റും യൂത്ത് ഇന്ത്യ രക്ഷാധികാരിയുമായ പി.ടി.
ശരീഫ് ഉദ്ഘാടനം നിർവഹിച്ചു. യൂത്ത് ഇന്ത്യ പ്രസിഡന്‍റ് സിജില്‍ ഖാൻ അധ്യക്ഷ പ്രസംഗം നടത്തി. ലീഡർഷിപ് ക്വാളിറ്റി എന്ന വിഷയത്തില്‍ ഡോ. അലിഫ് ഷുക്കൂർ സംസാരിച്ചു.
യൂനിറ്റ് പ്രസിഡന്‍റ്, വൈസ് പ്രസിഡന്‍റ്, സെക്രട്ടറി, ജോ. സെക്രട്ടറി എന്നിവർക്കായി അഷ്ഫാഖ് അഹമ്മദ്, ജവാദ് അമീർ എന്നിവരും യൂനിറ്റ് ട്രഷറർമാർക്കായി പി.ഹസീബും ട്രെയിനിങ് നല്‍കി. മുഹമ്മദ്‌ യാസിർ ഖിറാഅത്ത് നടത്തി. യൂത്ത് ഇന്ത്യ ജനറല്‍ സെക്രട്ടറി പി. ഹസീബ് സ്വാഗതവും സെക്രട്ടറി ജവാദ് അമീർ സമാപനവും നിർവഹിച്ചു.
