മസ്കത്ത്: ഖത്തര്‍ ലോകകപ്പിനോടനുബന്ധിച്ച്‌ ഒമാന്റെ ദേശീയ വിമാനക്കമ്ബനിയായ ഒമാന്‍ എയര്‍ പ്രത്യേക യാത്രാനിരക്ക് പ്രഖ്യാപിച്ചു.ഇക്കണോമി ക്ലാസിന് 149 ഒമാന്‍ റിയാല്‍ മുതലും ബിസിനസ് ക്ലാസിന് 309 റിയാല്‍ മുതലുമാണ് നിരക്ക് ആരംഭിക്കുന്നത്.എല്ലാ നികുതികളും എയര്‍പോര്‍ട്ട് ചാര്‍ജുകളും ഹാന്‍ഡ് ബാഗേജ് അലവന്‍സും ഇതില്‍ ഉള്‍പ്പെടും.നവംബര്‍ 21 മുതല്‍ ഡിസംബര്‍ മൂന്നുവരെ മസ്‌കത്തിനും ദോഹക്കുമിടയില്‍ 48 മാച്ച്‌ ഡേ ഷട്ടില്‍ സര്‍വിസ് നടത്തുമെന്ന് എയര്‍ലൈന്‍ അധികൃതര്‍ അറിയിച്ചു.
49 റിയാലാണ് ഇതിന്റെ നിരക്ക്.ഷട്ടില്‍ ഫ്ലൈറ്റുകളിലെ യാത്രക്കാര്‍ക്ക് ഒമാന്‍ എയറിന്റെ മികച്ച സൗകര്യങ്ങളും സേവനങ്ങളുമെല്ലാം ആസ്വദിക്കാം. മാച്ച്‌ ഡേ ഷട്ടില്‍ ഫ്ലൈറ്റുകള്‍ ഒമാന്‍ എയര്‍ വെബ്‌സൈറ്റില്‍ (omanair.com) ബുക്ക് ചെയ്യാം.
