മസ്കത്ത്: ബംഗളൂരുവില്‍ നടക്കുന്ന സമസ്ത നൂറാം വാർഷിക പ്രഖ്യാപന സമ്മേളനത്തിന് മസ്കത്ത് റേഞ്ച് ജംഇയത്തുല്‍ മുഅല്ലിമീൻ മദ്റസകളില്‍ പ്രത്യേക പരിപാടികള്‍ സംഘടിപ്പിച്ചു.
സമസ്ത പിന്നിട്ട വർഷങ്ങളിലെ നാള്‍വഴികള്‍, മണ്‍മറഞ്ഞുപോയ പണ്ഡിതന്മാരെയും നേതാക്കളെയും അനുസ്മരിക്കല്‍, സമസ്ത പോഷക സംഘടനകളെയും നേതാക്കളെയും പരിചയപ്പെടുത്തല്‍ തുടങ്ങിയ കാര്യങ്ങളില്‍ വിഷയാവതരണം നടന്നു. മസ്കത്ത് സുന്നി സെന്‍റർ മദ്റസയില്‍ നടന്ന ഐക്യദാർഢ്യ സംഗമത്തില്‍ പ്രിൻസിപ്പല്‍ എൻ. മുഹമ്മദലി ഫൈസി, ശക്കീർ ഹുസൈൻ ഫൈസി, മുഹമ്മദ് ത്വാഹാ ദാരിമി, അബ്ദുറഹ്മാൻ മുസ്ലിയാർ, മദ്റസ കണ്‍വീനർ അബ്ദുസലീം എന്നിവർ സംസാരിച്ചു. സമ്മേളനം കാണാൻ മദ്റസയില്‍ പ്രത്യേക സംവിധാനം ഒരുക്കിയിരുന്നു.
