കുവൈറ്റ് സിറ്റി : ഇന്ത്യന്‍ എംബസി 29ന് ബുധന്‍ വൈകിട്ട് 3.30ന് ഓപ്പണ്‍ ഹൗസ് നടത്തുന്നു. ഇന്ത്യയില്‍ നിന്നുള്ള നഴ്സിംഗ് റിക്രൂട്ടുമെന്‍റ് ആണ് ചര്‍ച്ചാവിഷയം.
ഓപ്പണ്‍ ഹൗസില്‍ ഉന്നയിക്കുന്നതിന് പ്രത്യേക ചോദ്യങ്ങളുണ്ടെങ്കില്‍ പാസ്പോര്‍ട്ട് നന്പര്‍, സിവില്‍ ഐഡി നന്പര്‍, കുവൈറ്റിലെ കോണ്‍ടാക്റ്റ് നന്പര്‍, വിലാസം തുടങ്ങിയ വിവരങ്ങള്‍ ഉള്‍പ്പെടുത്തി [email protected] എന്ന വിലാസത്തില്‍ ഇമെയില്‍ ചെയ്യണമെന്ന് എംബസി അധികൃതര്‍ അറിയിച്ചു.
നീണ്ട കാലങ്ങള്‍ക്കുശേഷം കോവിഡ് മാനദണ്ഡങ്ങള്‍ പാലിച്ച്‌ കൊണ്ട് എംബസി ഓഡിറ്റോറിയത്തില്‍ നടക്കുന്ന ഓപ്പണ്‍ ഹൗസിലേക്ക് സന്പൂര്‍ണ കോവിഡ് വാക്സിന്‍ സ്വീകരിച്ചവര്‍ക്ക് പ്രവേശനം അനുവദിക്കും. ഓപ്പണ്‍ ഹൗസ് എംബസിയുടെ ഫേസ്ബുക്ക് പേജില്‍ തത്സമയം സംപ്രേഷണം ചെയ്യും.
