മസ്കത്ത്: വാണിജ്യ-വിനോദ മേളയായ എക്സ്പോ 2020ന് ദുബൈയില്‍ തുടക്കമായപ്പോള്‍ ശ്രദ്ധയാകര്‍ഷിച്ച്‌ ഒമാന് പവലിയനും.
അവസരങ്ങളുടെ തലമുറകള്‍ എന്ന പേരില്‍ കുന്തിരിക്ക മരത്തിെന്‍റ കഥയും അതിെന്‍റ ജീവിതചക്രവും അടിസ്ഥാനമാക്കിയാണ് പവലിയന്‍ രൂപ കല്‍പന ചെയ്തിരിക്കുന്നത്.
കോവിഡ് മഹാമാരി കാലത്തുള്ള മഹാമേളയായതുകൊണ്ടു തന്നെ ഒമാന് അടക്കമുള്ള രാജ്യങ്ങള്‍ക്ക് വലിയ പ്രതീക്ഷയാണ് ഇത് നല്‍കുന്നത്.
രാജ്യത്ത് കോവിഡ് രോഗികളുടെ എണ്ണത്തിലും ഗണ്യമായ കുറവാണ് കഴിഞ്ഞ ആഴ്ചകളിലായി വന്നിട്ടുള്ളത്. നല്ലൊരു ശതമാനം ജനങ്ങളിലും വാക്സിനേഷന്‍ പൂര്‍ത്തിയാട്ടുണ്ട്. ഇത് ദുബൈയിലെത്തുന്ന സന്ദര്‍ശകരെ ഒമാനിലേക്ക് ആകര്‍ഷിക്കാന്‍ ഇടയാക്കും. ടൂറിസം സാധ്യതകളും ഒമാന് ഇതിലൂടെ ഉപയോഗപ്പെടുത്താനാകും.
എണ്ണ ഇതര വരുമാനം ലക്ഷ്യമാക്കി ഒമാന് നടത്തുന്ന പ്രവര്‍ത്തനങ്ങളില്‍ പ്രധാന മേഖലയണ് ടൂറിസം. ഒരു ടൂറിസ്റ്റ് കേന്ദ്രമായും ബിസിനസ് ചെയ്യാന്‍ അനുഗുണമായ രാജ്യമായും ഒമാനെ പവലിയന്‍ പരിചയപ്പെടുത്തുന്നുണ്ട്. ഇങ്ങനെ നല്ലൊരു ശതമാനം നിക്ഷേപകരെ ആകര്‍ഷിക്കാന്‍ കഴിയുമെന്നാണ് കരുതുന്നത്.
