ഒമാനിലെ മസ്കറ്റ് ഗവർണറേറ്റില് മോഷണക്കേസില് മൂന്നുപേരെ റോയല് ഒമാൻ പൊലീസ് അറസ്റ് ചെയ്തു. ബൗഷർ വിലയത്തിലെ രണ്ടു വീടുകളില് നിന്നുമാണ് മോഷണം നടത്തിയതെന്ന് റോയല് ഒമാൻ പൊലീസ് പുറത്തിറക്കിയ പ്രസ്താവനയില് പറയുന്നു.
അറബ് വംശജരായ മോഷ്ടാക്കള് ആഭരണങ്ങളും, വിലപിടിപ്പുള്ള വസ്തുക്കളും, ഇലക്ട്രിക്കല് ഉപകരണങ്ങളുമാണ് രണ്ടു വീടുകളില് നിന്നുമായി മോഷ്ടിക്കാന് ശ്രമിച്ചത്. ഈ മൂന്നു പേർക്കുമെതിരെയുള്ള നിയമ നടപടികള് പൂർത്തീകരിച്ചു കഴിഞ്ഞുവെന്നും പ്രസ്താവനയില് പറയുന്നു.