കുവൈത്തില്‍ കാലഹരണപ്പെട്ട ഡ്രൈവിംഗ് ലൈസന്‍സ് ഉപയോഗിച്ച്‌ വാഹനം ഓടിക്കുന്ന പ്രവാസികളെ കണ്ടെത്താന്‍ നടപടികള്‍ ശക്തമാക്കി.ഇവര്‍ നേരത്തെ ഡ്രൈവിങ് ലൈസന്‍സ് അനുവദനീയമായ തസ്തികയില്‍ ജോലി ചെയ്യുമ്ബോള്‍ ലൈസന്‍സ് എടുക്കയും പിന്നീട് തസ്തിക മാറിയിട്ടും ലൈസന്‍സ് തിരിച്ചേല്‍പിക്കാത്തവരുമാണെന്ന് അധികൃതര്‍ വ്യക്തമാക്കി.
എന്നാല്‍ പലരും ഇത്തരത്തിലുള്ള ലൈസന്‍സ് ഉപയോഗിച്ച്‌ വാഹനം ഓടിക്കുകയും പരിശോധനയില്‍ പിടിക്കപ്പെടുമ്ബോള്‍ കേവലം അഞ്ച് ദിനാര്‍ പിഴയടച്ചു നാടു കടത്തല്‍ ശിക്ഷയില്‍ നിന്നു രക്ഷപ്പെടുകയും ചെയ്യുന്നു.
ഈ സാഹചര്യത്തിലാണു ഇവരെ കണ്ടെത്തുന്നതിന് മന്ത്രാലയം നടപടികള്‍ ആരംഭിച്ചിരിക്കുന്നത്. കൂടാതെ യൂണിവേഴ്‌സിറ്റി വിദ്യാര്‍ത്ഥികള്‍ക്ക് അവരുടെ വിദ്യാര്‍ത്ഥി പദവിയുടെ അടിസ്ഥാനത്തില്‍ 20,000 ഡ്രൈവിംഗ് ലൈസന്‍സുകളും നല്‍കിയിട്ടുണ്ട്.
