കുവൈറ്റ് സിറ്റി: കുവൈറ്റില്‍ സൈന്യത്തില്‍ വനിതകള്‍ക്ക് പ്രവേശനം അനുവദിക്കുന്നത് സംബന്ധിച്ച്‌ ഉപപ്രധാനമന്ത്രിയും പ്രതിരോധമന്ത്രിയുമായ ഷെയ്ഖ് ഹമദ് ജാബര്‍ അല്‍ അലി തീരുമാനം പുറപ്പെടുവിച്ചേക്കുമെന്ന് റിപ്പോര്‍ട്ട്.
രാജ്യസുരക്ഷയ്ക്ക് പുരുഷന്മാരെ പോലെ സ്ത്രീകള്‍ക്കും സൈന്യത്തില്‍ പ്രാതിനിധ്യം ഉറപ്പാക്കുന്നതാണ് ഈ തീരുമാനം. ഓഫീസേഴ്‌സ്, നോണ്‍ കമ്മീഷന്‍ഡ് ഓഫീസേഴ്‌സ് എന്നീ തസ്തികകളില്‍ നിയമനം അനുവദിക്കും.
പ്രതിരോധ മന്ത്രാലയവുമായി ബന്ധപ്പെട്ട വിവിധ മേഖലകളില്‍ വനിതകളുടെ സേവനമുണ്ടാകുമെന്നും റിപ്പോര്‍ട്ട് സൂചിപ്പിക്കുന്നു. ആദ്യ ബാച്ചില്‍ 100-150 വനിതകള്‍ ഉണ്ടാകുമെന്നാണ് സൂചന. സൈന്യത്തിലെ വനിതകളുടെ പങ്കാളിത്തം കുവൈറ്റിനെ സംബന്ധിച്ചിടത്തോളം ഒരു ചരിത്രപരമായ നിമിഷമാണ്.
