മസ്കത്ത്: യുനൈറ്റഡ് നേഷന്സ് വേള്ഡ് ടൂറിസം ഓര്ഗനൈസേഷന് (യു.എന്.ഡബ്ല്യു.ടി.ഒ) മികച്ച ടൂറിസം ഗ്രാമങ്ങളിലെ പട്ടികയില് ഇടം നേടി മിസ്ഫത് അല് അബ്രിയീന്.
കഴിഞ്ഞ ദിവസം സ്പെയിനിലെ മഡ്രിഡില് നടന്ന യുനൈറ്റഡ് നേഷന്സ് വേള്ഡ് ടൂറിസം ഓര്ഗനൈസേഷെന്റ ജനറല് അസംബ്ലിയിലായിരുന്നു പ്രഖ്യാപനം. ദാഖിലിയ ഗവര്ണറേറ്റിലെ അല് ഹംറ വിലായത്തിലെ മിസ്ഫത് അല് അബ്രിയീന് ഗ്രാമത്തിലേക്ക് ഓരോ വര്ഷവും ആയിരക്കണക്കിനു വിനോദസഞ്ചാരികളാണെത്തുന്നത്. മസ്കത്തില്നിന്ന് 230 കി.മീ അകലെ നിസ്വയില്നിന്ന് 30 കിലോമീറ്ററിനടുത്ത് സഞ്ചരിച്ചാല് ഈ പച്ച പുതച്ച ഗ്രാമത്തിലെത്താം. പ്രകൃതി സ്നേഹികളെയും മറ്റും ആകര്ഷിക്കുന്ന അന്തരീക്ഷമാണ് മിസ്ഫത്തിനുള്ളത്.
വിദേശത്തുനിന്നും സുല്ത്താനേറ്റില്നിന്നുമായി നിരവധി സഞ്ചാരികളാണ് ഇവിടെ വരാറുള്ളത്. കഴിഞ്ഞ കുറച്ചു വര്ഷങ്ങളായി മിസ്ഫത് അല് അബ്രിയീന് നിവാസികള് പട്ടണത്തിലെ പഴയ വീടുകളെല്ലാം പുനരുദ്ധരിച്ച് വിനോദസഞ്ചാര കേന്ദ്രങ്ങളാക്കി മാറ്റിക്കൊണ്ടിരിക്കുകയാണ്. കൃഷി തന്നെയാണ് ഇവരുടെ പ്രധാന ജോലി. നാരങ്ങ, ഈത്തപ്പഴം, വാഴ എന്നിവയാണ് പ്രധാന കൃഷി ഇനങ്ങള്. കൃഷിയിടത്തിലേക്ക് വെള്ളമെത്തിക്കാന് ഫലജുകളും മലകള്ക്കിടയിലൂടെ ഒഴുകുന്നു. മൂന്ന് കിലോമീറ്റര് ദൈര്ഘ്യത്തിലാണ് ഫലജ് വ്യാപിച്ചു കിടക്കുന്നത്. മിസ്ഫത്തിെന്റ ഹരിതഭംഗിക്കു പിന്നിലും ഫലജ് തന്നെയാണ്. ബ്രിട്ടനിലെ ഡിസ്കവറി ചാനല് ഉള്പ്പെടെ ടൂറിസം മേഖലയുമായി ബന്ധപ്പെട്ടു പ്രവര്ത്തിക്കുന്ന പ്രാദേശിക, അന്തര്ദേശീയ മാധ്യമങ്ങള് ഇസ്ഫത് അല് അബ്രിയീന് ഗ്രാമത്തെ കുറിച്ച് ഫീച്ചറുകളും മറ്റും ചെയ്തിട്ടുണ്ട്.