കുവൈത്ത് സിറ്റി∙ വിദേശികള്‍ പഴയ മാതൃകയിലുള്ള ഡ്രൈവിങ് ലൈസന്‍സ് തിരിച്ചേല്‍‌പിച്ച്‌ പുതിയ മാതൃകയിലുള്ളത് നേടിയില്ലെങ്കില്‍ ഇഖാമ പുതുക്കലും മറ്റും പ്രതിസന്ധിയിലാകുമെന്ന് റിപ്പോര്‍ട്ട് .
ഡ്രൈവിങ് ലൈസന്‍സുകളുടെ എണ്ണം കുറയ്ക്കുന്നതിന്റെ ഭാഗമാണിത്. കാലാവധിയുള്ളതാണെങ്കിലും പഴയ മാതൃകയിലുള്ള ഡ്രൈവിങ് ലൈസന്‍സിന് സാധുതയില്ല.
രാജ്യത്ത് വ്യാജ ഡ്രൈവിങ് ലൈസന്‍സുകളും പഴയ മാതൃകയില്‍ നിലവിലുണ്ടെന്ന് ശ്രദ്ധയില്‍‌പ്പെട്ടതിനാല്‍ ഡിജിറ്റലാണ് പുതിയ മാതൃകയിലുള്ള ലൈസന്‍സ്. പുതിയ സാഹചര്യത്തില്‍ ലൈസന്‍സ് മാറ്റാത്തവരുടെ ഇഖാമ പുതുക്കുന്നതിന് നിരോധനം ഏര്‍പ്പെടുത്താനും സാധ്യതയുണ്ട് .
അതെ സമയം കാലഹരണപ്പെട്ട ലൈസന്‍സുമായി പിടിയിലായാല്‍ നിലവില്‍ 5 ദിനാര്‍ പിഴയടച്ച്‌ രക്ഷപ്പെടാം. എന്നാല്‍ ഇനി ശിക്ഷ നാടു കടത്തലായി കര്‍ശനമാക്കാനാണ് അധികൃതരുടെ നീക്കം .
