കുവൈത്ത് സിറ്റി∙ കോവിഡ് വാക്സീന് സര്ട്ടിഫിക്കറ്റിലെയും പാസ്പോര്ട്ടിലെയും പേരുകള് തമ്മില് വ്യത്യാസമുള്ളതിനെ തുടര്ന്ന് കുവൈത്ത് വിമാനത്താവളത്തില് നിന്ന് നിരവധിപേര്ക്ക് യാത്ര മുടങ്ങി.
കുവൈത്തില് നിന്ന് ലണ്ടനിലേക്ക് പോകാന് വിമാനത്താവളത്തില് എത്തുന്നവരാണ് പ്രധാനമായും സമ്മര്ദ്ദത്തിലായത് .
വാക്സീന് സര്ട്ടിഫിക്കറ്റിലെയും പാസ്പോര്ട്ടിലെയും പേരുകളില് അക്ഷരത്തെറ്റോ അല്ലെങ്കില് പാസ്പോര്ട്ടില് രേഖപ്പെടുത്തിയ പേരിന്റെ ഏതെങ്കിലും ഭാഗം ഒഴിവായ രീതിയില് വാക്സീന് സര്ട്ടിഫിക്കറ്റില് രേഖപ്പെടുത്തിയതൊക്കെയാണ് മിക്ക ആളുകള്ക്കും വെല്ലുവിളിയായത് .
സ്വദേശികളും വിദേശികളും ഇത്തരത്തില് വിമാനത്താവളത്തില്നിന്ന് തിരികെ പോകേണ്ടിവരുന്നതായി അധികൃതര് വ്യക്തമാക്കി.