കുവൈത്ത്; കുവൈത്തില് ഗ്യാസ് സിലിണ്ടറുകള് പരിഷ്കരിക്കുന്നു.എല്പിജി സിലിണ്ടറുകള് കൂടുതല് സുരക്ഷിതമായ രീതിയില് തയാറാക്കാനായി അന്താരാഷ്ട്ര കമ്ബനിയുമായി കെഒടിസി ഉടന് കരാറിലേര്പ്പെടുമെന്ന് അല് അന്ബ പത്രം റിപ്പോര്ട്ട് ചെയ്തു.
അഞ്ച് കിലോ, 12 കിലോ, 25 കിലോ സിലിണ്ടറുകളാണ് നിലവില് കെഒടിസിയുടെ ശുഐബ, ഉമ്മുല് ഐശ് ഫില്ലിങ് സ്റ്റേഷനുകളില് തയാറാകുന്നത്.
സിലിണ്ടറുകളുടെ കാലപ്പഴക്കം ഉള്പ്പെടെയുള്ള കാരണങ്ങള് അപകട സാധ്യത ഉയര്ത്തുന്നതിനാലാണ് കൂടുതല് സുരക്ഷിതമായ രീതിയില് സിലിണ്ടറുകള് പരിഷ്കരിക്കാന് അധികൃതര് തീരുമാനിച്ചത്. പഴയ സിലിണ്ടറുകളുടെ പ്രഷര് പരിശോധന, റീപെയിന്റിങ്, സീലിങ് തുടങ്ങിയ പ്രവൃത്തികളും കരാറില് ഉള്പ്പെടുമെന്നാണ് സൂചന.