ദുബായ്: വിദ്യാഭ്യാസ രംഗത്ത് ഉന്നത വിജയം നേടിയ മലയാളി വിദ്യാര്ത്ഥിനിയ്ക്ക് യുഎഇ ഗോള്ഡന് വിസ ലഭിച്ചു.
അല്മനാര് ഇസ്ലാമിക് സെന്റര് ഡയറക്ടര് ബോര്ഡ് അംഗം മുഹമ്മദ് ഷഹീലിന്റെയും നഫ്സ ജിഷിയുടെയും മകളായ ഹവ്വാ സുലിനാണ് ഗോള്ഡന് വിസ ലഭിച്ചത്. പത്ത് വര്ഷമാണ് യുഎഇ ഗോള്ഡന് വിസയുടെ കാലാവധി. ലഫ്. അബ്ദു റഹ്മാനില് നിന്നാണ് ഹവ്വ സുലിന് വിസ ഏറ്റുവാങ്ങിയത്.
ഹയര് സെക്കന്ഡറി പരീക്ഷയില് 99% മാര്ക്ക് നേടിയ വിദ്യാര്ത്ഥിനിയാണ് ഹവ്വ സുലിന്. ദുബായ് ന്യൂ അക്കാദമിക് സ്കൂളില് നിന്നാണ് ഹവ്വ പഠനം പൂര്ത്തിയാക്കിയത്. ദുബായ് ജുമൈറ യൂണിവേഴ്സിറ്റിയില് ഇസ്ലാമിക ശരീഅ നിയമ പഠനത്തില് പ്രവേശനം ലഭിച്ച ആദ്യ മലയാളി വിദ്യാര്ഥിനിയും ഹവ്വയാണ്. നിലവില് അല്മനാര് തര്ബിയ വീക്കന്ഡ് സ്കൂള് അധ്യാപികയായി സേവനമനുഷ്ഠിക്കുകയാണ് ഹവ്വ സുലിന്. അല്ഖൂസ് അല്മനാര് ഇസ്ലാമിക് സെന്ററില് നിന്നാണ് ഹവ്വ ഇസ്ലാമിക പഠനം പൂര്ത്തിയാക്കിയത്.