കുവൈത്ത് സിറ്റി: രാജ്യത്തെ തൊഴില്‍, താമസ നിയമലംഘകരെ കണ്ടെത്താന്‍ ലക്ഷ്യമിട്ട് കുവൈത്ത് അധികൃതര്‍ നടത്തുന്ന പരിശോധകള്‍ പുരോഗമിക്കുന്നു .447 പുരുഷന്മാരെയും 215 സ്‍ത്രീകളെയുമാണ് ഇത്തരത്തില്‍ അഞ്ച് ദിവസത്തിനുള്ളില്‍ പിടികൂടി നാടുകടത്തിയതെന്ന് കണക്കുകള്‍ സ്ഥിരീകരിക്കുന്നു .
രാജ്യത്ത് തൊഴില്‍ നിയമങ്ങള്‍ ലംഘിച്ച്‌ ജോലി ചെയ്യുന്നവര്‍ക്കും താമസ രേഖകളുടെ കാലാവധി കഴിഞ്ഞവര്‍ക്കും രേഖകള്‍ ശരിയാക്കി താമസവും ജോലിയും നിയമ വിധേയമാക്കാന്‍ നേരത്തെ സമയം നീട്ടി നല്‍കിയിരുന്നു. കൂടാതെ സമയ പരിധി പിന്നീട് പല തവണ ദീര്‍ഘിപ്പിച്ച്‌ നല്‍കുകയും ചെയ്തു .
ഇതിന് പിന്നാലെയാണ് പരിശോധന ശക്തമാക്കിയത് . നിയമലംഘകരെ കണ്ടെത്തി അറസ്റ്റ് ചെയ്യുകയും നാടുകടത്തുകയുമാണ് ചെയ്യും .ഒക്ടോബര്‍ 17 മുതല്‍ 25 വരെയുള്ള കണക്കുകള്‍ പ്രകാരം 662 പ്രവാസികളെയാണ് നാടുകടത്തിയതെന്ന് ആഭ്യന്തര മന്ത്രാലയം അറിയിച്ചു.
ആഭ്യന്തര മന്ത്രി ശൈഖ് തമര്‍ അല്‍ അലിയുടെ നിര്‍ദേശ പ്രകാരം ആഭ്യന്തര മന്ത്രാലയത്തിലെ അണ്ടര്‍ സെക്രട്ടറി ലെഫ്. ജനറല്‍ ഫൈസല്‍ നവാഫ് അല്‍ അഹ്‍മദിന്റെ നേതൃത്വത്തിലാണ് ഇതിനുള്ള നടപടികള്‍ പുരോഗമിക്കുന്നത്.
