ഒമാന്‍: ഒമാനില്‍ വനിതകളുടെ നേട്ടങ്ങള്‍ അവതരിപ്പിച്ച്‌ വനിതാ ദിനം ആഘോഷിച്ചു. സാമൂഹിക സന്നദ്ധ സംഘടനകളുടെയും സ്ഥാപനങ്ങളുടെയും നേതൃത്വത്തില്‍ രാജ്യത്തിന്റെ പല ഭാഗത്തുള്ള സ്ത്രീകള്‍ക്ക് ആദരവുകളും സെമിനാറുകളും മറ്റു പരിപാടികളും സംഘടിപ്പിച്ചു.
ഒമാനി വനിതാ ദിനത്തോട് അനുബന്ധിച്ച്‌ പ്രഥമ വനിത അസ്സയ്യിദ അഹദ് അബ്ദുള്ള ഹമദ് അല്‍ ബുസൈദി ആശംസകള്‍ നേര്‍ന്നു. വനിതാ ദിനത്തില്‍ ഒമാനിലെ സ്ത്രീകളെ അഭിവാദ്യം ചെയ്യുകയാണെന്നും രാജ്യത്തിന്റെ വികസനത്തിന് അവര്‍ നല്‍കിയ സംഭാവനകള്‍ക്ക് നന്ദി പറയുകയാണെന്നും അവര്‍ പറഞ്ഞു. കൂടാതെ മസ്‌ക്കറ്റിലെ ബ്രിട്ടീഷ് എംബസി ‘അംബാസിഡര്‍ ഫോര്‍ ദ ഡേ’ പദ്ധതിയ്ക്ക് വനിതാ ദിനത്തില്‍ തുടക്കം കുറിച്ചു.
വനിതാ ദിനത്തിന്റെ ഭാഗമായി ‘ഒമാന്‍ വിമന്‍’ എന്ന പേരില്‍ മൂന്നു ദിവസം നീണ്ടുനില്‍ക്കുന്ന ചിത്ര പ്രദര്‍ശനത്തിന് സാമൂഹിക വികസന മന്ത്രാലയം ഒമാന്‍ കണ്‍വെന്‍ഷന്‍ ആന്റ് എക്സിബിഷന്‍ ഹാളില്‍ തുടക്കമായി. 150 ചെറുകിട സംരംഭകരുടേയും ഹോം പ്രജക്ടുകളുടെ ഉടമകളുടേയും സ്റ്റാളുകളും പ്രദര്‍ശന ശാലയിലുണ്ട്.
