ജിദ്ദ ∙ സൗദിയില്‍ അധിക സമയം ജോലി ചെയ്യുന്നവര്‍ക്ക് കൂടുതല്‍ വേതനം നല്‍കാന്‍ നിര്‍ദ്ദേശിച്ച്‌ മാനവവിഭവ ശേഷി മന്ത്രാലയം.
നിശ്ചയിക്കപ്പെട്ട സമയത്തില്‍ കൂടുതലായി ജോലി ചെയ്യുന്ന തൊഴിലാളിക്ക് ഒരു മണിക്കൂറിന് തുല്യമായ വേതനവും അടിസ്ഥാന വേതനത്തിന്റെ 50 ശതമാനവുമാണ് ഓവര്‍ടൈം വേതനമായി നല്‍കേണ്ടത്.
ദിവസം 8 മണിക്കൂറും ആഴ്ചയില്‍ 48 മണിക്കൂറുമാണ് സ്വകാര്യമേഖലയിലെ തൊഴില്‍ സമയം. ഇതില്‍ കൂടുതലായി ജോലി ചെയ്യുന്ന തൊഴിലാളികള്‍ക്കാണ് നിയമം അനുശാസിക്കുന്ന അധികവേതനം നല്‍കണമെന്ന് മന്ത്രാലയം അറിയിച്ചത്. അവധി ദിവസങ്ങളില്‍ ജോലി ചെയ്യുന്ന തൊഴിലാളികള്‍ക്ക് മുഴുവന്‍ സമയവും ഓവര്‍ടൈം ആയി കണക്കാക്കി അതിന് തത്തുല്യമായിട്ടാണ് വേതനം നല്‍കേണ്ടത്.
