റിയാദ്: ടാങ്കെര്‍ ലോറിയുടെ ഉള്‍വശം വൃത്തിയാക്കുന്നതിനിടെ സഊദി അറേബ്യയില്‍ മലയാളി യുവാവ് കുഴഞ്ഞുവീണ് മരിച്ചു.
തൃശൂര്‍ മരത്തംകോട് പന്നിത്തടം എകെജി നഗറില്‍ മഠപ്പാട്ടുപറമ്ബില്‍ വീട്ടില്‍ അന്‍സാര്‍ (36) ആണ് മരിച്ചത്.
സഹായിക്കൊപ്പമായിരുന്നു ടാങ്കെര്‍ ലോറിയുടെ അകം വൃത്തിയാകാന്‍ അന്‍സാര്‍ ഇറങ്ങിയത്. എന്നാല്‍ ഇരുവരും കുഴഞ്ഞുവീഴുകയായിരുന്നു. രണ്ടുപേരെയും ആശുപത്രിയിലെത്തിച്ചെങ്കിലും അന്‍സാറിന്റെ ജീവന്‍ രക്ഷിക്കാനായില്ല. മാലിന്യം കൊണ്ടുപോകുന്ന ടാങ്കെര്‍ ലോറിയില്‍ കെട്ടിക്കിടന്ന വാതകം ശ്വസിച്ചതാണ് മരണ കാരണമെന്നാണ് നിഗമനം.
പരേതനായ ഖാദര്‍ – ആതിക ദമ്ബതികളുടെ മകനാണ്. ഭാര്യ: ബുസ്ത്വാന. മകള്‍: അംന ഫാത്വിമ.
