ജിദ്ദ: സൗദിയില് മൂന്ന് മാസ അടിസ്ഥാനത്തില് ഇഖാമ പുതുക്കല് സേവനം ആരംഭിച്ചു. സൗദി അതോറിറ്റി ഫോര് ഡാറ്റ ആന്റ് ആര്ട്ടിഫിഷ്യല് ഇന്റലിജന്സി (സദയ)ന്റെ സഹകരണത്തോടെയാണ് വിദേശികളുടെ താമസരേഖ (ഇഖാമ) ത്രൈമാസ അടിസ്ഥാനത്തില് പുതുക്കുന്ന സേവനം പാസ്പോര്ട്ട് ഡയറക്ടറേറ്റും മാനവവിഭവ ശേഷി മന്ത്രാലയവും ആരംഭിച്ചിരിക്കുന്നത്.
വിദേശികളുടെ ഇഖാമ ത്രൈമാസ അടിസ്ഥാനത്തില് പുതുക്കി നല്കാന് കഴിഞ്ഞ ജനുവരിയിലാണ് സൗദി മന്ത്രിസഭ അനുമതി നല്കിയത്. ഈ തീരുമാനത്തിന്റെ അടിസ്ഥാനത്തിലാണ് പുതിയ സേവനം ആരംഭിച്ചിരിക്കുന്നത്.
എന്നാല് പുതിയ തീരുമാനത്തില് ഹൗസ് ഡ്രൈവര്മാര് ഉള്പ്പെടെയുള്ള ഗാര്ഹിക ജോലിക്കാര് ഉള്പ്പെടുകയില്ല. പുതിയ സംവിധാനം വന്നതോടെ തൊഴിലുടമക്ക് സ്ഥാപനത്തിന്റെ ആവശ്യങ്ങള്ക്കനുസരിച്ച് കീഴിലുള്ളവരുടെ താമസ, വര്ക്ക് പെര്മിറ്റുകള് മൂന്ന് മാസം, ആറ് മാസം, ഒമ്ബത് മാസം, മുമ്ബുള്ളതു പോലെ ഒരു വര്ഷം എന്നീ രീതികളില് പുതുക്കാന് സാധിക്കും.
സ്വകാര്യമേഖല സ്ഥാപനങ്ങളുടെ പ്രവര്ത്തനങ്ങള് സുഗമമാക്കുക, കൂടുതല് കാര്യക്ഷമമായ രീതിയില് മാനേജ്മെന്റിനു പണം ചെലവഴിക്കാന് സാധ്യമാക്കുക, ആവശ്യങ്ങള്ക്കനുസരിച്ച് തൊഴിലാളികളുടെ പെര്മിറ്റുകള് പുതുക്കാന് സ്ഥാപനങ്ങളെ പ്രാപ്തമാക്കുക തുടങ്ങിയവയാണ് സംവിധാനത്തിലൂടെ ലക്ഷ്യമിടുന്നത്. കൂടാതെ തീരുമാനം സ്വകാര്യ മേഖലയിലെ സ്ഥാപനങ്ങളുടെ വളര്ച്ചയെ പിന്തുണക്കുകയും തൊഴില് വിപണിയുടെ വികസനത്തിന് സംഭാവന നല്കുകയും തൊഴില് പരിസ്ഥിതി മെച്ചപ്പെടുത്തുകയും ചെയ്യുന്നതിനുമാണ്.
നിലവിലുള്ള കരാര് ബന്ധം ശക്തിപ്പെടുത്തുന്നതിനും ആഗോള തൊഴില് വിപണിയുമായി ചേര്ന്ന് നില്ക്കാനും ഇതിലൂടെ സാധിക്കും. അബ്ഷിര്, മുഖീം പ്ലാറ്റ്ഫോമുകള് വഴി പുതിയ സേവനം പ്രയോജനപ്പെടുത്താനാകുമെന്ന് പാസ്പോര്ട്ട് ഡയരക്ടറേറ്റും വര്ക്ക് പെര്മിറ്റുമായി ബന്ധപ്പെട്ട ‘ക്വിവ’ പ്ലാറ്റ്ഫോം വഴിയും ലേബര് സര്വീസ് പോര്ട്ടലിലൂടെയും സേവനം ഉപയോഗപ്പെടുത്താമെന്ന് മാനവ വിഭവശേഷി, സാമൂഹിക വികസന മന്ത്രാലയവും വ്യക്തമാക്കിയിട്ടുണ്ട്.
താമസ, വര്ക്ക് പെര്മിറ്റുകള് ത്രൈമാസ സംവിധാനത്തില് പുതുക്കുന്നതിനുമുള്ള സേവനം സ്വകാര്യമേഖലയില് നല്ല സ്വാധീനം ചെലുത്തുമെന്നും പ്രവര്ത്തനങ്ങള് കൂടുതല് കാര്യക്ഷമവും സുഗമവുമാക്കുമെന്നും മാനവ വിഭവശേഷി സാമൂഹിക വികസന മന്ത്രി എന്ജിനീയര് അഹ്മ്മദ് അല്റാജിഹി പറഞ്ഞു.