റിയാദ്: പ്രവാസി മലയാളിക്ക് കാന്‍സര്‍ ജനറ്റിക്സ് വിഷയത്തില്‍ ഡോക്ടറേറ്റ്. റിയാദിലെ കിങ് ഖാലിദ് യൂനിവേഴ്സിറ്റി ആശുപത്രിയിലെ ജനിതക വിഭാഗത്തില്‍ സേവനം അനുഷ്ഠിക്കുന്ന കണ്ണൂര്‍ അഴീക്കോട് ചെമ്മേരി ഷെരിപ്ര, സൈനബില്‍ ഡോ. മുഹത്താഷ് മുസമ്മില്‍ തമിടോണിനാണ് മധ്യപ്രദേശ് സെഹോറിലെ ശ്രീ സത്യസായി യൂനിവേഴ്സിറ്റി ഓഫ് ടെക്നോളജി ആന്‍ഡ് മെഡിക്കല്‍ സയന്‍സില്‍നിന്ന് ഡോക്ടറേറ്റ് ലഭിച്ചത്.
ആര്‍മി സ്കൂള്‍, കണ്ണൂര്‍ ഭാരത് വിദ്യാഭവന്‍ എന്നിവിടങ്ങളില്‍ സ്കൂള്‍ വിദ്യാഭ്യാസം, ബംഗളുരു യൂനിവേഴ്സിറ്റിയില്‍നിന്ന് ബയോടെക്നോളജിയില്‍നിന്ന് ബിരുദം എന്നിവ നേടിയശേഷം മണിപ്പാല്‍ കസ്തൂര്‍ബ മെഡിക്കല്‍ കോളജ് ലൈഫ് സയന്‍സ് സെന്‍ററില്‍നിന്ന് മെഡിക്കല്‍ ബയോടെക്നോളജി ആന്‍ഡ് ഹ്യൂമന്‍ ജനറ്റിക്സില്‍ ബിരുദാനന്തര ബിരുദം കരസ്ഥമാക്കി. 25ലധികം പ്രബന്ധങ്ങള്‍ പ്രസിദ്ധീകരിച്ചിട്ടുണ്ട്. നിതക രോഗങ്ങള്‍, ഡയബറ്റിസ് മറ്റബോളിക് ഡിസോഡേഴ്സ്, ഹൈ ഫാറ്റ് ഡയറ്റ്, കാന്‍സര്‍ ബയോളജി എന്നിവയാണ് ഇഷ്ട ഗവേഷണ മേഖലകള്‍. ഈ വര്‍ഷം ലോക പ്രസിദ്ധ ന്യൂട്രീഷന്‍ റിവ്യൂ ജേണലില്‍ മുഹത്താശിെന്‍റയും സഹ ഗവേഷണ സംഘത്തിെന്‍റയും പഠനം പ്രസിദ്ധീകരിച്ചു.
