കുവൈത്ത് സിറ്റി | കുവൈത്തില് ലാബ് പരിശോധനയില് കൃത്രിമം കാണിച്ച കേസില് ഇന്ത്യക്കാര് ഉള്പ്പെടെ എട്ട് പ്രവാസികളെ കുവൈത്ത് അപ്പീല് കോടതി 10 വര്ഷത്തെ കഠിന തടവിന് ശിക്ഷിച്ചു.
പ്രവാസികളില് നിന്ന് പണം വാങ്ങിയായിരുന്നു ഇവര് ഇടപാടുകള് നടത്തിയിരുന്നത്. ജസ്റ്റിസ് നാസര് അല് സാലിം ഹൈദര് ആണ് ശിക്ഷ വിധിച്ചത്.
താമസ രേഖ പുതുക്കല് നടപടിക്രമങ്ങളുടെ ഭാഗമായി നടത്തുന്ന രക്ത പരിശോധനാ ഫലത്തില് ഇവര് കൃത്രിമം നടത്തുകയായിരുന്നു. ഇതേതുടര്ന്നാണ് ഇവര് പിടിയിലായത്. പ്രവാസികളില് നിന്ന് കൈക്കൂലി വാങ്ങി സബാഹ് സാലം ആരോഗ്യ കേന്ദ്രത്തില് വെച്ചായിരുന്നു സംഘം ഇടപാടുകള് നടത്തിയിരുന്നത്.
സാമ്ബിളുകള് ശേഖരിച്ച് പരിശോധനക്കായി ലബോറട്ടറിയിലേക്ക് കൊണ്ടു പോകുമ്ബോള് ഹെല്ത്ത് ഇന്സ്പെക്ടറുടേയും സെക്യൂരിറ്റി ജീവനക്കാരന്റെയും സഹായത്തോടെ പരിശോധനാ ഫലങ്ങളില് കൃത്രിമം കാട്ടുകയായിരുന്നു. പ്രവാസി വനിതയായിരുന്നു സംഘത്തെ നയിച്ചിരുന്നത്.