ഒമാനില്‍ കൈക്കൂലി കേസുകള്‍ വര്‍ദ്ധിക്കുകയാണെന്ന ആരോപണത്തെ തുടര്‍ന്ന് നടത്തിയ പരിശോധനയില്‍ നിരവധി സര്‍ക്കാര്‍ ജീവനക്കാര്‍ക്കെതിരെ നടപടി.
സ്റ്റേറ്റ് ഫിനാന്‍ഷ്യല്‍ ആന്‍ഡ് അഡ്മിനിസ്‌ട്രേറ്റീവ് ഓഡിറ്റ് ഇന്‍സ്റ്റിറ്റിയൂഷനാണ് (എസ്.എഫ്.എ.എ.ഐ) ജീനവക്കാര്‍ക്കെതിരെ കര്‍ശന നടപടികള്‍ കൈക്കൊണ്ട കാര്യം അറിയിച്ചത്. ജോലിയില്‍നിന്ന് പിരിച്ചുവിടല്‍, തടവ്, പിഴ, പൊതു ജോലികള്‍ ചെയ്യുന്നത് വിലക്കല്‍ തുടങ്ങിയ നടപടികളാണ് പ്രധാനമായും സ്വീകരിച്ചത്.
207 അഴിമതി കേസുകളാണ് ഇതുവരെ രജിസ്റ്റര്‍ ചെയ്തിട്ടുള്ളത്. 580 ദശലക്ഷം റിയാലാണ് അഴിമതി കേസുകളുമായി ബന്ധപ്പെട്ട് തിരിച്ചുപിടിച്ചത്. എസ്.എഫ്.എ.എ.ഐയുടെ വാര്‍ഷിക റിപ്പോര്‍ട്ടിലാണ് ഇക്കാര്യങ്ങള്‍ വ്യക്തമാക്കുന്നത്.
