കുവൈത്ത് സിറ്റി: ഡ്രൈവിങ് ലൈസന്‍സ് സ്വന്തമാക്കുന്നതിനുള്ള മാനദണ്ഡങ്ങള്‍ പാലിച്ചിട്ടുണ്ടോ എന്ന് പരിശോധിക്കാന്‍ ആഭ്യന്തര മന്ത്രാലയം അണ്ടര്‍ സെക്രട്ടറി ശൈഖ് ഫൈസല്‍ അല്‍ നവാഫ് ഗതാഗത വകുപ്പിന് നിര്‍ദേശം നല്‍കി.
നിശ്ചിത മാനദണ്ഡങ്ങള്‍ പാലിക്കാത്ത വിദേശികളുടെ ലൈസന്‍സ് പിന്‍വലിക്കും. ലൈസന്‍സ് എടുക്കുമ്ബോള്‍ യോഗ്യത ഉണ്ടായിരുന്നവര്‍ക്ക് പിന്നീട് യോഗ്യത നഷ്ടപ്പെട്ടിട്ടുണ്ടെങ്കില്‍ റദ്ദാക്കും.
രാജ്യത്ത് വിദേശികള്‍ക്ക് ഡ്രൈവിങ് ലൈസന്‍സ് ലഭിക്കുന്നതിന് ചുരുങ്ങിയത് 600 ദീനാര്‍ ശമ്ബളം, ബിരുദം, കുവൈത്തില്‍ രണ്ടു വര്‍ഷം താമസം എന്നിവയാണ് ഉപാധി. ജോലി മാറ്റമോ മറ്റോ ആയ കാരണത്താല്‍ ഈ പരിധിക്ക് പുറത്താവുന്നവര്‍ ലൈസന്‍സ് തിരിച്ചേല്‍പിക്കേണ്ടതുണ്ട്.ചില തസ്തികകളില്‍ ജോലി ചെയ്യുന്നതിന് ഉപാധികൂടാതെ ലൈസന്‍സ് അനുവദിക്കും
