കുവൈറ്റ് : കനത്ത മഴയെ തുടര്ന്നുണ്ടായ വെള്ളക്കെട്ട് മൂലം ഫഹാഹീലിലെ നിരവധി റോഡുകള് അടച്ചതായി കുവൈറ്റ് മന്ത്രാലയം. ഉമ്മുല്- ഹൈമാനിലേക്കുള്ള ഫഹാഹീല് റോഡ്, അല്-കൗട്ട് കോംപ്ലക്സിലേക്കുള്ള ഫഹാഹീല് തീരദേശ റോഡ്, ഷുഐബ പോര്ട്ട് വെയര്ഹൗസ് റോഡ് തുടങ്ങിയവ അടച്ചതായി ആഭ്യന്തര മന്ത്രാലയം അറിയിച്ചു.
ആലിപ്പഴത്തോടൊപ്പമുള്ള ഇടത്തരം മുതല് കനത്ത ഇടിമിന്നലോട് കൂടിയ മഴയ്ക്കുള്ള കാലാവസ്ഥാ മുന്നറിയിപ്പും കേന്ദ്രം നല്കി. കാറ്റ് മണിക്കൂറില് 55 കി.മീ കവിയാന് സാധ്യതയുണ്ട്. ചില പ്രദേശങ്ങളില് ദൃശ്യപരത കുറയും. കനത്ത മഴയെത്തുടര്ന്ന് നിരവധി പ്രധാന റോഡുകളില് വെള്ളം കെട്ടിനിന്നതിനെത്തുടര്ന്നാണ് റോഡുകള് അടച്ചത്.