മസ്‌കത്ത്: ഒമാനില്‍ പ്രവാസികള്‍ക്ക് ഇന്ത്യന്‍ അംബാസിഡറെ നേരില്‍ കണ്ട് പരാതി ബോധിപ്പിക്കാന്‍ അവസരം.
ഒമാനിലെ ഇന്ത്യന്‍ സ്ഥാനപതിയെ നേരില്‍ കണ്ട് പരാതികള്‍ അറിയിക്കാനും പരിഹാര മാര്‍ഗങ്ങള്‍ കണ്ടെത്തുവാനുമായി എല്ലാ മാസവും നടത്തി വരുന്ന ഓപ്പണ്‍ ഹൗസ് മാര്‍ച്ച്‌ പതിനൊന്നിന് നടക്കും. ഒമാനിലെ ഇന്ത്യന്‍ എംബസിയാണ് ഇക്കാര്യം അറിയിച്ചത്. പ്രവാസികളുടെ ക്ഷേമവുമായി ബന്ധപ്പെട്ട ഏത് കാര്യങ്ങളും പരാതികളും ഓപ്പണ്‍ ഹൗസില്‍ ബോധിപ്പിക്കാം.
വൈകുന്നേരം 4.00 മണിയോടെയാണ് ഓപ്പണ്‍ ഹൗസ് അവസാനിക്കുക. ഇന്ത്യന്‍ സ്ഥാനപതിയും കാര്യാലയത്തിലെ എല്ലാ ഉയര്‍ന്ന ഉദ്യോഗസ്ഥരും ഓപ്പണ്‍ ഹൗസില്‍ പങ്കെടുക്കും. ഓപ്പണ്‍ ഹൗസ്സില്‍ നേരിട്ട് പങ്കെടുക്കാന്‍ കഴിയാത്തവര്‍ക്ക് 98282270 നമ്ബറില്‍ പരാതി മുന്‍കൂട്ടി രജിസ്റ്റര്‍ ചെയ്യാനുള്ള സൗകര്യവുമുണ്ട്.
