ഔദ്യോഗിക ഒമാന്‍ സന്ദര്‍ശനം പൂര്‍ത്തിയാക്കി യു.എ.ഇ ഭരണാധികാരി ശൈഖ് മുഹമ്മദ് ബിന്‍ സായിദ് മടങ്ങി. ഒമാനും-യു.എ.ഇയും തമ്മില്‍ വികസനത്തിന് കുതിപ്പേകുന്ന 16 കരാറുകളിലും ഒപ്പുവെച്ചു.
യു.എ.ഇ ഭരണാധികാരി ശൈഖ് മുഹമ്മദ് ബിന്‍ സായിദിന്‍റെ ഒമാന്‍ സന്ദര്‍ശനത്തിന്‍റെ ഭാഗമായി അല്‍ ആലം പാലസില്‍ നടന്ന ചടങ്ങിലാണ് കരാറിലൊപ്പുവെച്ചത്.
ഊര്‍ജം, ഗതാഗതം, വാര്‍ത്താവിനിമയം, ലോജിസ്റ്റിക്‌സ്, സമുദ്രഗതാഗതം തുടങ്ങി വിവിധങ്ങളായ 16 കരാറുകളിലും ഒമാനും യു.എ.ഇയും ഒപ്പുവെച്ചു.യു.എ.ഇ പ്രസിഡന്റ് ശൈഖ് മുഹമ്മദ് ബിന്‍ സായിദിന്‍റെ സന്ദര്‍ശനത്തിന്‍റെ ഭാഗമായി ഇരുരാജ്യങ്ങളുടെയും ഉന്നത ബഹുമതികള്‍ പരസ്പരം കൈമാറി . സുല്‍ത്താന്‍ ഹൈതം ബിന്‍ താരിഖിന് യു.എ.ഇയുടെ പരമോന്നത സിവിലിയന്‍ ബഹുമതിയായ ‘ഓര്‍ഡര്‍ ഓഫ് സായിദ്’ നല്‍കിയാണ് ആദരിച്ചത്.സുല്‍ത്താനേറ്റിന്‍റെ ഏറ്റവും വലിയ ഉന്നത ബഹുമതിയായ ‘അല്‍ സഈദ് ഓര്‍ഡര്‍’ ശൈഖ് മുഹമ്മദ് ബിന്‍ സായിദിന് സുല്‍ത്താനും സമ്മാനിച്ചു.
