കുവൈത്തില് ഭക്ഷ്യവസ്തുക്കള് വിതരണം ചെയ്യുന്ന ഡ്രൈവര്മാര്ക്ക് ഇന്ന് മുതല് പുതിയ നിയമങ്ങള് നിര്ബന്ധിതമാകും.ഭക്ഷ്യവസ്തുക്കള് വിതരണം ചെയ്യുന്ന കമ്ബനികള്ക്കുള്ള പെരുമാറ്റച്ചട്ടം നടപ്പാക്കാന് കഴിഞ്ഞമാസം ചേര്ന്ന ഉന്നതതല യോഗം തീരുമാനമെടുത്തിരുന്നു.
ഒക്ടോബര് ഒന്നുമുതല് തീരുമാനങ്ങള് നടപ്പാക്കാനും നിശ്ചയിച്ചു. വാണിജ്യ മന്ത്രാലയം, കുവൈത്ത് മുനിസിപ്പാലിറ്റി, പബ്ലിക് അതോറിറ്റി ഫോര് ഫുഡ് ആന്ഡ് ന്യൂട്രീഷന് എന്നിവയിലെ ഉന്നത ഉദ്യോഗസ്ഥര് പങ്കെടുത്ത യോഗത്തിലാണ് തീരുമാനങ്ങള് എടുത്തത്.
എന്നാല്, വ്യവസ്ഥകള് പാലിക്കുന്നതിനുള്ള തയാറെടുപ്പുകള് കമ്ബനികള് നടത്തിയിട്ടുണ്ടോ എന്നതില് സംശയം ഉയര്ന്നിട്ടുണ്ട്. ആവശ്യമായ സമയം ലഭിച്ചില്ലെന്നാണ് കമ്ബനി ഉടമകള് പറയുന്നത്. പുതിയ വ്യവസ്ഥകള് പാലിക്കാനാകാതെ നിരവധി കമ്ബനികള് പ്രതിസന്ധിയിലാകുമെന്നും റിപ്പോര്ട്ടുകളുണ്ട്.