മസ്കത്ത്: ഒമാനില് നിന്ന് ഇന്ത്യയിലേക്കുള്ള എണ്ണ കയറ്റുമതി ഈ വര്ഷം 54.8 ശതമാനം വര്ധിച്ച് ദിവസേന കയറ്റുമതി 29.9 ദശലക്ഷം ബാരലിലെത്തി.
കഴിഞ്ഞ വര്ഷം ഇതേ കാലയളവില് 19.3 ദശലക്ഷം ബാരലായിരുന്നു കയറ്റുമതി. ജപ്പാനിലേക്കുള്ള കയറ്റുമതിയില് 8.4 ശതമാനത്തിന്റെ ഉയര്ച്ച വന്നിട്ടുണ്ട്. തെക്കന് കൊറിയയിലേക്കുള്ള കയറ്റുമതി 68 ശതമാനം വര്ധിച്ച് 9.3 ദശലക്ഷം ബാരലായി. ഈ വര്ഷം ഒമാനില് നിന്ന് ഏറ്റവും കൂടുതല് എണ്ണ കയറ്റുമതി ചെയ്തത് ചൈനയിലേക്കാണ്. മൊത്തം കയറ്റുമതിയുടെ 77 ശതമാനവും ഇവിടേക്കാണ് കയറ്റുമതി ചെയ്യുന്നത്. ചൈനയിലേക്കുള്ള കയറ്റുമതിയും 7.1 ശതമാനം വര്ധിച്ചു.
ഈ വര്ഷം ആദ്യ എട്ട് മാസത്തിനുള്ളില് 167.5 ദശലക്ഷം ബാരല് എണ്ണയാണ് ചൈനയിലേക്ക് കയറ്റുമതി ചെയ്തത്. കഴിഞ്ഞ വര്ഷം ഇതേ കാലയളവില് 156.4 ദശലക്ഷം ബാരലുകളാണ് ചൈനയിലേക്ക് കയറ്റി അയച്ചത്. അതേസമയം, രാജ്യത്തെ ക്രൂഡ് ഓയില് കയറ്റുമതി മുന് വര്ഷത്തെ അപേക്ഷിച്ച് ഈ വര്ഷത്തെ ആദ്യ എട്ട് മാസങ്ങളില് 15.4 ശതമാനം വര്ദ്ധിച്ചു.