കുവൈത്ത്: ഡിജിറ്റല് പരസ്യങ്ങള് നിയന്ത്രിക്കാന് മാര്ഗനിര്ദേശം പുറപ്പെടുവിച്ച് കുവൈത്ത് സര്ക്കാര് . ഇന്ഫര്മേഷന് ഡെപ്യൂട്ടി മന്ത്രി മുഹമ്മദ് ബിന് നാജിയുടെ അധ്യക്ഷതയില് ചേര്ന്ന ഇലക്ട്രോണിക് അഡ്വര്ടൈസിംഗ് റെഗുലേറ്ററി കമ്മിറ്റി യോഗമാണ് ഓണ്ലൈന് പരസ്യങ്ങള്ക്ക് നിയന്ത്രണങ്ങള് ഏര്പ്പെടുത്താന് തീരുമാനിച്ചത്.
ഓണ്ലൈന് പരസ്യങ്ങള് ഉപഭോക്താക്കള്ക്കിടയില് സാമ്ബത്തികവും സാമൂഹ്യവുമായി പ്രശ്നങ്ങളുണ്ടാക്കുന്നുവെന്ന് നേരത്തെ പരാതികള് ഉയര്ന്നിരുന്നു. ഇലക്ട്രോണിക് പരസ്യം നിയന്ത്രിക്കുന്നതിനുള്ള നിയമ നടപടിക്രമങ്ങള് സമിതിയുടെ നേതൃത്വത്തില് ഉടന് രൂപം നല്കുമെന്ന് ഇന്ഫര്മേഷന് മന്ത്രാലയ വക്താവ് അന്വര് മുറാദ് അറിയിച്ചു. വാണിജ്യ വ്യവസായ മന്ത്രാലയം, ഇന്ഫര്മേഷന് ടെക്നോളജി, ഫത്വ ആന്ഡ് ലെജിസ്ലേഷന്, കുവൈറ്റ് മുനിസിപ്പാലിറ്റി, ഇലക്ട്രോണിക് ക്രൈം ഡിപ്പാര്ട്ട്മെന്റ്, ഇലക്ട്രോണിക് പബ്ലിഷിംഗ്, മാധ്യമ പ്രതിനിധികള് എന്നീവര് അടങ്ങിയതാണ് റെഗുലേറ്ററി കമ്മിറ്റി.