മസ്കത്ത്: ബിദിയ ഡെസേര്ട്ട് അഡ്വെഞ്ചര് ഫെസ്റ്റിവലിന് തുടക്കം കുറിച്ചു. ഒമാന് മിനിസ്ട്രി ഓഫ് ഹെറിറ്റേജ് ആന്ഡ് ടൂറിസമാണ് ഇക്കാര്യം അറിയിച്ചത്. ബിദിയ വിലായത്തിലാണ് ഫെസ്റ്റിവല് നടക്കുന്നത്. നോര്ത്ത് അല് ശര്ഖിയ ഗവര്ണറേറ്റിലെ ഗവര്ണറുടെ ഓഫീസ്, സര്ക്കാര് വകുപ്പുകള് എന്നിവയുമായി സഹകരിച്ചാണ് ഫെസ്റ്റിവല് സംഘടിപ്പിച്ചിരിക്കുന്നത്.
കഴിഞ്ഞ ദിവസമാണ് ബിദിയ ഡെസേര്ട്ട് ഫെസ്റ്റിവലിന്റെ ഉദ്ഘാടന ചടങ്ങ് നടന്നത്. നോര്ത്ത് അല് ശര്ഖിയ ഗവര്ണര് ശൈഖ് അലി ബിന് അഹ്മദ് അല് ഷംസി ഉദ്ഘാടന ചടങ്ങില് പങ്കെടുത്തു. ശീതകാല ടൂറിസം പ്രചാരണ പരിപാടികളുടെ ഭാഗമായാണ് ഫെസ്റ്റിവല് സംഘടിപ്പിക്കുന്നതെന്ന് അധികൃതര് അറിയിച്ചു.
ഫെബ്രുവരി 3 നാണ് ഫെസ്റ്റിവല് സമാപിക്കുന്നത്. മരുഭൂ പ്രദേശങ്ങളില് നടത്തുന്ന സാഹസിക പ്രവര്ത്തനങ്ങള്, കാര് റേസ്, ബലൂണ് റൈഡ്, പാരാഗ്ലൈഡിങ് തുടങ്ങിയവ ഫെസ്റ്റിവലിന്റെ ആകര്ഷണങ്ങളാണ്. ലേസര് ഷോകള്, ഒട്ടകപ്പുറത്തുള്ള സവാരി തുടങ്ങിയവയും ഫെസ്റ്റിവലിലുണ്ട്.