ഖത്തര്‍ ലോകകപ്പിനോടനുബന്ധിച്ച്‌ ഒമാന്‍ നടപ്പാക്കിയ മള്‍ട്ടി-എന്‍ട്രി ടൂറിസ്റ്റ് വിസക്ക് അപേക്ഷ സ്വീകരിച്ച്‌ തുടങ്ങി. ഖത്തര്‍ ലോകകപ്പിനെ പിന്തുണക്കുന്നതിനൊപ്പം ലോകത്തിന്‍റെ വിവിധ ഭാഗങ്ങളില്‍നിന്ന് വരുന്ന ഫുട്ബാള്‍ ആരാധകരെ ഒമാനിലേക്ക് ആകര്‍ഷിക്കാനുള്ള ശ്രമങ്ങളുടെ ഭഗമായാണ് സൗജന്യ മള്‍ട്ടി എന്‍ട്രി ടൂറിസ്റ്റ് വിസ അവതരിപ്പിച്ചിരിക്കുന്നത്.
ഖത്തര്‍ നല്‍കുന്ന ‘ഹയ്യ’ കാര്‍ഡുള്ളവര്‍ evisa.rop.gov.om എന്ന വെബ്സൈറ്റ് വഴിയാണ് അപേക്ഷിക്കേണ്ടതെന്ന് റോയല്‍ ഒമാന്‍ പൊലീസ് അറിയിച്ചു. ഫ്ലൈറ്റ് ടിക്കറ്റ്, ഫോട്ടോ, പാസ്‌പോര്‍ട്ട് കോപ്പി, ഒമാനിലെ ഹോട്ടല്‍ റിസര്‍വേഷന്‍ സ്ഥിരീകരണം എന്നിവ അപേക്ഷയോടൊപ്പം സമര്‍പ്പിക്കണം. മള്‍ട്ടി എന്‍ട്രി ടൂറിസ്റ്റ് വിസയില്‍ കുടുംബത്തെ കൊണ്ടുവരാനും ഒമാനില്‍ താമസിക്കാനും സാധിക്കും.
