മസ്‌കത്ത്: 2022-ലെ മസ്‌കത്ത് ഈറ്റ് ഫുഡ് ഫെസ്റ്റിവല്‍ നടക്കുക രണ്ട് ഘട്ടങ്ങളിലായെന്ന് ഒമാന്‍ മിനിസ്ട്രി ഓഫ് ഹെറിറ്റേജ് ആന്‍ഡ് ടൂറിസം. ഡിസംബര്‍ 1 നാണ് ആദ്യ ഘട്ടം ആരംഭിക്കുന്നത്. ഡിസംബര്‍ 3 ന് ആദ്യഘട്ട ഭക്ഷ്യമേള അവസാനിക്കും. മദിനത് അല്‍ ഇര്‍ഫാനില്‍ വെച്ചാണ് ഭക്ഷ്യമേള നടക്കുക.
മസ്‌കത്ത് ഈറ്റ് ഫുഡ് ഫെസ്റ്റിവലിന്റെ ഭാഗമായി നിരവധി വിനോദപരിപാടികള്‍, കലാപ്രകടനങ്ങള്‍ എന്നിവ ഉള്‍പ്പെടുത്തുമെന്ന് ഒമാന്‍ മിനിസ്ട്രി ഓഫ് ഹെറിറ്റേജ് ആന്‍ഡ് ടൂറിസം വ്യക്തമാക്കിയിട്ടുണ്ട്. ഡിസംബര്‍ 8 മുതല്‍ 10 വരെയാണ് മേളയുടെ രണ്ടാം ഘട്ടം. രാജ്യത്തെ ചെറുകിട, ഇടത്തരം സംരംഭകരെ കൂടി ഉള്‍പ്പെടുത്തിക്കൊണ്ട് സംഘടിപ്പിക്കുന്ന ഈ ഭക്ഷ്യമേളയിലെത്തുന്നവര്‍ക്ക് നിരവധി പ്രാദേശിക, അന്താരാഷ്ട്ര ഭക്ഷ്യവിഭവങ്ങള്‍ രുചിക്കാന്‍ അവസരം ലഭിക്കും.
