കുവൈത്ത് സിറ്റി: കെ.ഐ.ജി കുവൈത്തിന്റെ വിദ്യാര്‍ഥി വിഭാഗമായ സ്റ്റുഡന്‍റ്സ് ഇന്ത്യ കുവൈത്ത് സംഘടിപ്പിച്ച ഇഫ്താര്‍ സംഗമം ശ്രദ്ധേയമായി. യുവ പ്രഭാഷകന്‍ ഡോ. അലിഫ് ഷുക്കൂര്‍ മുഖ്യപ്രഭാഷണം നിര്‍വഹിച്ചു.
നൂതന സാങ്കേതികവിദ്യകള്‍ സ്വായത്തമാക്കുന്നതോടൊപ്പം ജീവിതത്തിലുടനീളം മാനുഷിക മൂല്യങ്ങള്‍ കാത്തുസൂക്ഷിച്ച്‌ വിദ്യാര്‍ഥികള്‍ സമൂഹത്തിന് മാതൃകയാകണമെന്ന് അദ്ദേഹം പറഞ്ഞു.
കെ.ഐ.ജി പ്രസിഡന്റ് പി.ടി. ഷരീഫ് സംഗമം ഉദ്ഘാടനം ചെയ്തു. സ്റ്റുഡന്‍റ്സ് ഇന്ത്യ കേന്ദ്ര കണ്‍വീനര്‍ റഫീഖ് ബാബു പൊന്‍മുണ്ടം അധ്യക്ഷത വഹിച്ചു. സെക്രട്ടറി നയീം സ്വാഗതവും കെ.ഐ.ജി ജനറല്‍ സെക്രട്ടറി ഫിറോസ് ഹമീദ് സമാപന പ്രസംഗവും നിര്‍വഹിച്ചു. ഇഹ്സാന്‍ ഫിറോസ് ഖുര്‍ആന്‍ പാരായണം നടത്തി. നിയാസ്, അജ്മല്‍, നൈസാം, എം.എം. നൗഫല്‍, തസ്നീം, ഐ.കെ. ഗഫൂര്‍ എന്നിവര്‍ നേതൃത്വം നല്‍കി.
