കുവൈത്ത് സിറ്റി: പ്രവാസ ജീവിതം താല്‍ക്കാലികമായി അവസാനിപ്പിച്ച്‌ നാട്ടിലേക്ക് മടങ്ങുന്ന ക്രിക്കറ്റ് താരങ്ങളായ ഗിരീഷ് ചന്ദ്രനും ജിനുവിനും റൈസിങ് സ്റ്റാര്‍ ഗോള്‍ഡ് ക്ലബ് യാത്രയയപ്പ് നല്‍കി.
ഗിരീഷ് ചന്ദ്രൻ പന്ത്രണ്ടു വര്‍ഷവും ജിനു മൂന്നു വര്‍ഷമായും റൈസിങ് സ്റ്റാര്‍ ക്ലബ്ബിന്റെ ഭാഗമായിരുന്നു. യാത്രയയപ്പ് യോഗത്തില്‍ ഇരുവരുമായുള്ള അനുഭവങ്ങള്‍ പങ്കുവെച്ച ക്ലബ് ഭാരവാഹികള്‍ എല്ലാവിധ ആശംസകളും നേര്‍ന്നു.
ക്യാപ്റ്റൻ സുനില്‍ സ്വാഗതം പറഞ്ഞു. ബിജു സക്കറിയ, താരിഖ്, അസീം, രജീഷ്, രാഹുല്‍ ഗോപി, യോഗേഷ്, ഡെന്നിസ് എന്നിവര്‍ സംസാരിച്ചു. ക്ലബ് ഭാരവാഹികള്‍ ഇരുവര്‍ക്കും ഉപഹാരവും സമ്മാനങ്ങളും കൈമാറി. ഗിരീഷും ജിനുവും നന്ദി രേഖപ്പെടുത്തി.
