ലണ്ടന്: ലഹരി ഉപയോഗിച്ച് വാഹനമോടിച്ചു രണ്ടു ജീവനെടുത്ത ഇന്ത്യക്കാരന് 16 വര്ഷത്തെ ജയില്ശിക്ഷ വിധിച്ച് കോടതി. 30 കാരനായ നിതേഷ് ബിസ്സെന്ഡറിയാണ് പ്രതി. കേംബ്രിഡ്ജ് ശാസ്ത്രജ്ഞയേയും അവരുടെ പിതാവായ പ്രൊഫസറേയുമാണ് കാറിടിച്ച് കൊലപ്പെടുത്തിയത്. കഴിഞ്ഞ ആഗസ്തിലാണ് ഞെട്ടിക്കുന്ന അപകടം നടന്നത്. കെന്റിലെറാംസ് ഗേറ്റിലാണ് ദാരുണ സംഭവം നടന്നത്. നടപാതയിലേക്ക് ഇടിച്ചു കയറിയ കാര് നടന്നുപോകുകയായിരുന്ന 81 കാരനേയും മകള് നോസ് സെല്ല(37)യേയും കൊലപ്പെടുത്തുകയായിരുന്നു. അഞ്ചു മാസം ഗര്ഭിണിയായിരുന്നു. നേരത്തെ പ്രതി കുറ്റക്കാരനെന്ന് കണ്ടെത്തിയ കാന്റര്ബറി ക്രൗണ് കോടതി ശിക്ഷ വിധിക്കുകയായിരുന്നു.
വാഹനം സൈഡ് വാക്കിലൂടെ 30 യാര്ഡ് ഓടിയതായി കോടതി കണ്ടെത്തിയിരുന്നു. നൊഗയുടെ ഭര്ത്താവ് ഒമറിനും ഇവരുടെ അഞ്ചു വയസുള്ള മകള്ക്കും സംഭവത്തില് പരിക്കേറ്റു.ഒപ്പം ഉണ്ടായിരുന്ന എട്ടുവയസുകാരനായ മകന് നിസ്സാര പരിക്കാണുള്ളത്. അപകടം നടന്നയുടന് നിതേഷ് ഇറങ്ങിയോടി പിന്നീട് ഇവിടേക്ക് തിരിച്ചെത്തി. ഈസമയം രക്ത പരിശോധനയില് കൊക്കെയ്ന്റെ അംശം കണ്ടെത്തിയിരുന്നു. അറസ്റ്റിന് ശേഷം രക്ത പരിശോധനയ്ക്ക് ഇയാള് വിസമ്മതിച്ചു. വലിയ വേദനയാകുന്ന സംഭവമാണ് നടന്നതെന്നും ലഹരിയുപയോഗിച്ചുള്ള ഡ്രൈവിങ്ങില് പൊഴിഞ്ഞ രണ്ടു വിലപ്പെട്ട ജീവനുകളാണെന്നും പൊലീസ് പറഞ്ഞു.