മസ്കറ്റ്: അറ്റകുറ്റപ്പണികള്‍ക്കായി ഒമാനിലെ അല്‍ ഖുവൈര്‍ പാലം അടച്ചിടും. ഡിസംബര്‍ 31 വരെ രാത്രി പത്ത് മുതല്‍ രാവിലെ ആറ് വരെയാണ് അല്‍ ഖുവൈര്‍ പാലം അടച്ചിടുന്നതെന്ന് മസ്കറ്റ് നഗരസഭയുടെ അറിയിപ്പില്‍ പറയുന്നു. നിയന്ത്രണം ഇന്നലെ (വ്യാഴാഴ്ച) രാത്രി മുതല്‍ പ്രാബല്യത്തില്‍ വന്നു.
സുല്‍ത്താന്‍ ഖാബൂസ് സ്ട്രീറ്റില്‍ നിന്ന് സീബിലേക്കുള്ള ദിശയിലാണ് നിയന്ത്രണം. ഗതാഗത നിയന്ത്രണത്തിനായി റോയല്‍ ഒമാന്‍ പോലീസുമായി സഹകരിച്ചാണ് നടപടികള്‍ സ്വീകരിച്ചിരിക്കുന്നതെന്നും നഗരസഭയുടെ അറിയിപ്പില്‍ പറയുന്നു. ഇവിടെ ഏര്‍പ്പെടുത്തിയിട്ടുള്ള നിയന്ത്രണങ്ങള്‍ പാലിക്കണമെന്ന് അധികൃതര്‍ പൊതുജനങ്ങളോട് അഭ്യര്‍ത്ഥിക്കുകയും ചെയ്തു.
