കുവൈത്ത് സിറ്റി: തിരുവനന്തപുരം നോണ്‍ റെസിഡന്‍സ് അസോസിയേഷന്‍ ഓഫ് കുവൈറ്റ് (ട്രാക്ക്) കേന്ദ്ര കമ്മിറ്റിയുടെ ആഭിമുഖ്യത്തില്‍ ഖൈറാന്‍ റിസോര്‍ട്ടില്‍ ക്രിസ്തുമസ് ന്യൂ ഇയര്‍ ആഘോഷിച്ചു.
പ്രസിഡന്‍റ് എം.എ. നിസ്സാം അധ്യക്ഷത വഹിച്ചു.
ചെയര്‍മാന്‍ പി.ജി.ബിനു, വൈസ് പ്രസിഡന്‍റ് ശ്രീരാഗം സുരേഷ്, ഉപദേശക സമിതി അംഗം ജയകൃഷ്ണ കുറുപ്പ്, സെക്രട്ടറി ആര്‍. രാധാകൃഷ്ണന്‍ എന്നിവര്‍ സംസാരിച്ചു.
തുടര്‍ന്ന് ഗാനമേള, കലാകായിക മത്സരങ്ങള്‍ അരങ്ങേറി. വിജയികള്‍ക്ക് സമ്മാനങ്ങള്‍ വിതരണം ചെയ്തു. ജനറല്‍ സെക്രട്ടറി കെ.ആര്‍.ബൈജു സ്വാഗതവും ട്രഷറര്‍ മോഹനകുമാര്‍ നന്ദിയും പറഞ്ഞു.
