മസ്കത്ത്: ഒമാനില്‍ ചെറിയ കുറ്റങ്ങള്‍ക്ക് പിഴ അടക്കാന്‍ കഴിയാത്തതിനെ തുടര്‍ന്ന് ജയിലിലകപ്പെട്ടവരെ മോചിതരാക്കാന്‍ സഹായിക്കുന്ന ഫാക് കുര്‍ബ പദ്ധതിയുടെ പത്താം പതിപ്പിന് തുടക്കമായി. ഒമാന്‍ ലോയേഴ്‌സ് അസോസിയേഷനാണ് ഫാക് കുറുബ പദ്ധതിക്ക് നേതൃത്വം നല്‍കുന്നത്.
ഫാക് കുര്‍ബ പദ്ധതി ഒമാനി ലോയേഴ്‌സ് അസോസിയേഷന്‍ സുപ്രീം ജുഡീഷ്യല്‍ കൗണ്‍സില്‍ വൈസ് ചെയര്‍മാന്‍ ഉദ്ഘാടനം ചെയ്തു. പൊതുജനങ്ങളില്‍നിന്ന് പണം സ്വരൂപിച്ചാണ് ജയിലില്‍ കഴിയുന്നവരെ മോചിപ്പിക്കുന്നത്. 2012ല്‍ തുടങ്ങിയ പദ്ധതിയിലൂടെ ആയിരക്കണക്കിന് ആളുകളെ ജയിലില്‍ നിന്നും മോചിപ്പിച്ചിരുന്നു. ഒമാനി സമൂഹത്തിലെ വ്യക്തികളുടെയും സ്ഥാപനങ്ങളുടെയും അകമഴിഞ്ഞ പിന്തുണയാണ് ‘ഫാക് കുര്‍ബ’ പദ്ധതിയുടെ വിജയത്തിന് പിന്നില്‍. സംഭാവന ചെയ്യാന്‍ ആഗ്രഹിക്കുന്നവര്‍ വെബ്‌സൈറ്റ് വഴിയും ബാങ്ക് അക്കൗണ്ടിലൂടെയും നല്‍കാമെന്ന് അധികൃതര്‍ അറിയിച്ചു. അടുത്തമാസം പകുതി വരെ ഫാക് കുര്‍ബ പദ്ധതി തുടരും.
