മസ്കത്ത്: ഒമാന്റെ വിവിധ ഭാഗങ്ങളില് ബുധനാഴ്ച വരെ മഴ തുടരുമെന്ന് കാലാവസ്ഥ നിരീക്ഷണ കേന്ദ്രം .മുസന്ദം, വടക്കന് ബാത്തിന, ബുറൈമി ഗവര്ണറേറ്റുകളിലായിരിക്കും മഴ ലഭിക്കുക.
കാറ്റിന്റെ വേഗത മണിക്കൂറില് 30-60 കിലോമീറ്റര് വരെയായിരിക്കും. കടല് പ്രക്ഷുബ്ധമാകാന് സാധ്യതയുണ്ട്. തിരമാലകള് പരമാവധി 2.5 മീറ്റര്വരെയായിരിക്കും.
ന്യൂനമര്ദ്ദത്തിന്റെ ഭാഗമായി ഒമാന്റെ വിവിധ ഗവര്ണറേറ്റുകളില് മഴ ലഭിച്ചു.തിങ്കള് മുതല് ബുധന് വരെ ബാധിക്കുന്ന മറ്റൊരു ന്യൂനമര്ദ്ദത്തിന്റെ ഭാഗമായി വടക്കന് ഗവര്ണറേറ്റുകളില് 10 മുതല് 50 മില്ലി മീറ്റര്വരെ മഴ പെയ്തേക്കുമെന്നും കാലാവസ്ഥ നിരീക്ഷണ കേന്ദ്രം അറിയിച്ചു.